五千天的小確幸: 黑白雙煞

黑白雙煞

搬到這個大家庭不經不覺已經一年多了，一開初時黑仔發脾氣不肯吃飯，到現在變成大肥佬，一天到黑要Jenny服侍，飯來張口，行多步都費事。

衰仔爛玩到連我都唔記得，肥婆成日同人地做親善大使，成身毛靚哂。

一開始仲有成班BB狗仔，送下送下無哂，狗媽媽無聲無息走左，無以前甘熱鬧。





最特別有兩條友仔，成日吠我 一黑一白，一男一女，無論我點派野食，點玩點氹都唔睬我。野就照食，鬧就照鬧，仲周不時追住我跑。

爽爽有D神經質，走來走去及住成個管家。成身白毛鬈鬈地，玩到灰曬又唔肯沖涼。佢同佢呀媽Shelly一個樣，不過呀媽驚青D成日呢埋，佢就入門口吊住我到出門口。

黑仔本來系佢地大佬，成班睇佢頭，幾有威嚴甘既。有時就呷下醋，嗲下Jenny錫都幾可愛甘。佢有時都肯坐定定卑我影相，成個阿叔甘。不過我帶我地黑仔同衰仔來到好似挑戰到佢地位，條氣唔順不過又唔夠佢兩個大隻所以成日就淨係吠我，食住都吠。


先系黑仔有一日無乜心機食嘢，唔吠唔睬人，下次就見唔到⋯我個心沉左⋯過多一個月爽爽唔食野但都吠我，以為無事，再多個個場禮拜靜左好多。

而家有時佢哋幾個行來行去，系樹底系后山聞下聞下，我諗我知佢倆系邊棵樹底，再見了黑白兩煞，那邊見。