五千天的小確幸: 聽説一二三

聽說一二三

不經不覺差不多一年了，我以為只有我還在每天掛念豬，原來還有其他人在說她的故事：

有天咪實在太污糟了，唯有周圍揾地方幫她沖涼，大部分市區寵物店都地方太小，又要容忍我堅持陪沖，千辛萬苦最後才找到一家上樓舖。坐下來店主竟然話我好熟口面，仲揾到一張豬相問我是否男主角。原來我每趟同小朋友去沖涼都卑人很深印象，又怕痕又怕凍，豬又系咪又系成副可憐巴巴甘望住我，我系緊緊張張一旁待命，店主忍唔住偷影左我地做模特兒相，以便示範卑其他怪獸家長睇板，不過佢搬上樓之後我地無去就忘記了。系人地度見到豬既舊相，唔相熟既人口裡提起我都唔知既豬趣事，感覺很奇怪也很暖心，眼仔濕潤了。

有日拖咪和媽去散步，我倆走得快在大前頭，媽在後邊慢慢行著。迎面而來有幾個不相識既大媽，佢地自以為好細聲甘話，仲乜唔見阿婆隻狗仔一齊行既，隻狗仔好靚好乖巧喎，氹得阿婆好開心架，陰功咯阿婆點點點…鬱鬱寡歡又盛…下刪三百字…原來媽跟豬既散步拍擋更甘多年已經系街坊節目景點，連我都唔知，真系背。





某天返工，某女同事眼紅紅，明顯喊完無耐甘，匆匆早退。呢個女同事，平時見咪如見鬼，喊打喊殺唔準咪埋身，話怕狗喎。後尾聽其他人講，原來當日她家裡西施狗年老走了，趕返去見最後一面。但明明一個非常怕狗既人，為什麼也養了狗呢？聽說(又)原來是以前我帶過豬返工時，跟她玩得很開心，所以便鼓起勇氣試養一個跟豬體型差不多的小狗，一試便試了十多年了，直至終老。

豬啊，我聽後很感動，也很為你驕傲。因為你，另一條小生命同幾條大生命既命運得到改寫(雖然唔知系好定唔好，哈)，但系你既生命的確影響左其他生命，系你去了另一個世界之後依然系呢度繼續發生。你來了，也去了，哥繼續發掘你我還未知道的四五六七事，等再見你面時告訴你吧。叻豬等我！