二郎烽火: 二郎源起…造神的神話

「楊戩，既留在人間，何必還留著神嘅冗名？」眼前一頭黄毛，穿起正裝嘅係天子姬發，從容而謙遜咁問我。

「王啊。喺自由嘅大自然中，我哋仍需要神祗仙眾們嘅權能，化作恆定仰止力。周也好，天下也好，人才剛從仙眾手上接過咗治理嘅責任，牙牙學語嘅人，仍需要呢個仰止力、呢啲來自仙界嘅權能。」天子發點頭認同，但見佢張口欲言，我立即停頓一下。

「即係仙眾們仍唔信人有自理能力？」並無不滿嘅情緒波動，天子發嘅語調只反映咗求知慾。

「非也。只係人『需要』而已。由未知到求知，由求知到已知。人需要一種格別嘅認知，以權能比作法則，造神以知權能。神話不過係人創造來認知傳說，正如千百年後，王你或許成為歷史、成為傳說一樣。」當我在想，這段話會否太難懂時，天子發卻笑起來。

「哈…話我知更多，讓我知更多有關神嘅事，倘若有一天，世人必需要對自己負起全責，我哋都知道係點嘅法則，點去自理。或許到時，就連王也能像仙眾一樣悠閒自得地退休！」一個既聰明也樂觀嘅睇法，亦也大概解釋了為何其他神祗可以咁放心走。





而已這話中願境，也許又要經過千年或萬年嘅時日，可能係一個遠遠遙遠於周之國祚嘅夙願…

年華過去，我步入仙門，只留下嗰把槍。我把它一分為三，以便於仙力漸微嘅人間使用。槍頭名為伏羲；槍身名為神農；槍繐稍經改動，名為軒轅。

三尖兩刃槍乃神槍、神蹟。而相對能以槍觸發神蹟於呢個時代嘅，我哋叫二郎神。