浮事的，第二個的士佬既故事。: 正正常常的生活？

翌日，梓風開工。

他感到靈魂有點空虛，精神也有點恍惚。

他竟然沒有致電小恩。

是因為他已習慣了太久------失去小恩的生活。

他到達慣性的機場，卻受到了奇怪的待遇。





「走啦，呢度無位比你排。」一個不知名的的士佬說。　

「？」梓風

「你連車神風都夠膽贏，你真係諗住你仲可以係的士界生存？」又一個的士佬過來。

「喂～！洗唔洗咁串丫？你知唔知我大佬係邊個？」梓風反兇一下。

「你自己打電話問下你大佬仲保唔保你？」另一名的士佬又走過來。





「......喂，大佬，梓風呀。」風還未說完，話筒對面就傳來了一堆炮轟的聲音。

「走啦仆街。走呀！唔歡迎你呀！咁叻仔去跑贏車神風，你知唔知我唔見左幾多錢呀？走啦，唔好要我搞大佢丫！！」

「........」風無言。

風駕著車，漫無目的地走著。

竟回到旺角的家。





「小恩，我今日放早，返黎啦。」

「小恩？小恩？小恩」

空盪的家中，就只有黃金梅利的踏步聲。