浮事的，第二個的士佬既故事。: 全員暴走中２

五分鐘過去，一架寶馬也沒有追來。

戰術成功。

「喂，放低我地先啦司機，我地仲要返屋企UNLOAD晒D槍同彈匣。仆你個街我地上左萬五飛，射得果幾百飛，今晚真係落返晒D彈落黎都玩到我地手軟呀。」大細B說

「得得得，爭你地一餐飯，唔好投訴。」風回應道，心情終於放鬆下來。

「咁我係大細B果度落埋啦，我上去幫佢地手UNLOAD。加埋成個月無搵佢地，估唔到佢地又大隻左咁多～等哥哥上去同佢地睇下金魚先，」HAPPY笑說





大細B相視，然後再次異口同聲地說：「屌，講呢D。」

晚風在吹，梓風調低車窗，好讓冷颼颼的夜風幫助他們把體內熱騰騰的血液降溫。

「到啦咁多位老闆。」風說，然後把手掌伸到後座，如常地作出收車資的姿勢。

「啪，啪，啪。」三下響亮的擊掌聲，喻意合作愉快。

三人下車，風在車內道：「喂～唔該晒你地啦，咁多位兄弟。」





三人背對著車子，高舉握著拳頭的右手。

一切，盡在不言中。

「屌，講左咁多年話係舉左手，佢地都仲係搞錯。」風心想，從心底露出笑容。「明明所有漫畫最經典既一幕都係左手。」