浮事的，第二個的士佬既故事。: 這些年來......

他和他的戀情，是如此的奇怪。

奇怪在於，他們拍拖時，一次架也沒有吵過，一次也沒有。

他們時有嗆一下對方，笑一下對方。有試過和對方二三天不講話地冷戰。

但就是沒有吵過架。

當一方的情緒到達臨界點時，另一方總能為你降下一場甘霖，為你降溫。





如此有趣的情況，如此奇怪的情況，如此順利的情況。

「喂喂，今晚我約左大細B，HAPPY，BEEBEE同埋廢濕佢地班人踢波，你黎唔黎睇下？」梓風詢問小恩

「妖，去睇你守龍睇黎做咩？咪又係悶到我死下死下......上次中過你伏，今次我唔去啦。」小恩回答道「廢濕唔係啱啱溝左條女咩？咁得閒出黎踢波？」

「好似話佢帶埋條女出黎。」風回應道。

「.......睇黎今晚又有一個無知少女中伏。你知道嘛？睇你地成班老野係度踢波，真係本區最大既笑話黎。」小恩冷笑，望向梓風「我留係屋企睇劇算啦，你自己食埋野先返黎，我今晚約左佢地三個食飯。」





「你地金籣十八姐妹死淨三個渣今晚？」風問

「你搵間可以唔洗訂位，WALK IN入去十八個人一齊食飯唔洗等位既飯堂比我地，我地咪十八個一齊出現囉。」小恩說

「仲好講，你地個WTSAPP GROUP可以一晚有三千幾個MESSAGE。我以為唔訓覺既人會短命D嘛。」

這就是他們的相處之道

生活，淡淡似是「糊」水





不太黏 ,不太濃，但又不能被輕易的抹走。