《米米蓮的100個揭尾故合集》: 《妙計救小華》謎底

《妙計救小華》

謎底：

大輝綁架小華，但係綁錯人，原來小華係窮撚，冇錢既…

本來見冇油水求其撕票就算，點知無啦啦屎忽痕…

話要同小華玩個遊戲，遊戲好簡單…





就係唔准小華用任何求救字眼，但係可以俾佢寫幾個字…

如果有人知道佢被綁架，大輝就會放過小華…

最後…

小華選擇左四個字「恭喜發財」

而大輝又真係幫佢用小型直升機，周圍飛黎傳遞「恭喜發財」既信息…





大輝見自己成日出去放直升機，所以又屎忽痕整左隻寶寶(狗)黎陪下小華。

當日阿明見到架小型直升機「恭喜發財」既新聞之後，大感疑惑…

當時並唔係新年，更加其實係鬼節黎添，恭乜差野喜發財啫…

但係佢知道小華已經唔見左一段時間，所以好擔心…

於是乎佢將兩件事連埋一齊，仲諗起一樣野…





就係兩人拍拖時既甜蜜片段，阿明曾經帶過小華去佢爺爺既壽宴…

小華仲響壽宴當晚見到阿明爺爺時，衝口而出一句…

「恭喜發財，壽比南山。」

所以阿明即使唔肯定都好，或者小華被綁架，或者小華想考驗佢，或者好多個或者…

佢已經冇其他可以見返小華既方法，所以佢唯有假設真係如自己所想既咁…

報警既話，可能小華會有危險…

最後，佢決定用自己既方法，就係效法九龍皇帝曾灶財，將「壽比南山」四個字寫通街…

錯既佢唔會死，岩既話或者有機會見返小華。





原來當時小華對大輝咁講︰

「哈哈哈，好玩，你想寫咩字丫？」大輝問。

「Mmm…係咪乜咩字都得？」小華反問。

「英俄德法美意日奧中韓文樣樣都得，係唔准求救啫。」大輝咁答。

「咁…恭喜發財！壽比南山！」小華講。

「講乜春呀？」大輝反問。

「夠九唔搭八啦，我冇求救字眼架，你唔准奸賴。」小華咁講。





「好。」大輝回應。

「丫！你幫我寫「恭喜發財」啦，如果有人可以傳遞到「壽比南山」信息俾你，你就要放過我。」小華再講。

「又好！我就睇下有冇咁神。」大輝。

「一言為定！」小華。

「駟馬難追！」大輝。

最後阿明真係如小華所講既咁，用傳媒以為佢發神經既報導，傳遞左「壽比南山」信息俾大輝…

大輝心悅誠服，幫小華鬆綁讓她離開，而自己亦俏俏離去，只留下寶寶一隻呆犬，慢慢咁餓死。

(完)