《米米蓮的100個揭尾故合集》: 《燈燈燈鄧》(又名《留下你的保齡頭》)謎底

《燈燈燈鄧》

謎底：

當日 小華同表哥寶寶兩家人一齊去左打保齡球

但係大人就有大人玩 小華就同表哥寶寶兩個傾計

寶寶佢大小華兩歲 成日整蠱小華





佢記得早幾日曾經同小華睇左套恐怖片

嚇到小華賴尿 覺得好攪笑 所以佢又想攪鬼小華

佢同小華講 保齡球出口處會彈個人頭出黎

點知小華一望埋去 見到個波真係出左黎

佢未睇清楚就幻想以為係人頭





當場嚇到「哇丫」大叫 仲喊左出黎

小華父母見小華被嚇親 立即帶佢返屋企

好不容易先氹到佢訓

點知小華好不幸咁 響半夜被嚇死左

嚇死小華既係樓上既一對母子





個仔已經有問題 個老母又陪埋佢癲

所以鑑生嚇死左小華

先講返寶寶點解會講：

「嗚嗚嗚，對唔住呀小華，我錯了。」

係因為寶寶知道左小華係被嚇死之後 所以內疚

至於樓上果兩條腎既母子攪咩呢

阿明係個仔 被捕但冇被入罪 係因為佢本身就係傻既

而且佢本來就冇殺人意圖 佢只係想玩一個遊戲





大輝僥倖逃過法網 係因為冇人知佢有份嚇小華

件事 其實係咁既…

小華屋企同樓上都係屬於業主大輝既

傻仔阿明平時只會留響房裡面

小華一家未入住樓下之前

阿明已經整左個窿 而果個窿位就係小華房既燈罩位度

所以阿明唔拉開既話 燈罩會完全遮蓋窿位 冇人會發現





當晚阿明就係無端端興起 玩佢既「燈燈燈鄧」遊戲

佢拉起燈罩 伸左個頭入個窿度望住樓下既小華訓覺

佢覺得好得意 仲伸下出伸下入咁

「燈燈燈鄧 燈燈燈鄧」

點知俾大輝發現左 不過大輝冇制止阿明佢玩

反而係腎埋一堆 陪個仔一齊玩

因為太黑 其實大輝同阿明都唔知小華醒左

結果 小華半夜醒左見到兩個人頭響個窿度出出入入





仲「燈燈燈鄧 燈燈燈鄧」咁

本來就細膽 加上朝早被嚇過既小華

被嚇到就連想嗌都嗌唔出聲

夜晚黑蚊蚊 阿明個死人頭已經夠恐怖

點知仲黎個長頭髮既女人人頭 (大輝個頭)

結果 小華當場被嚇至窒息 死左

用返《留下你的保齡頭》名既話





意思就係…

「樓下！你的保齡頭來了！」

(完)