《米米蓮的100個揭尾故合集》: 《隔離房》謎底

《隔離房》

謎底：

有個女仔每一晚都會隔住牆同阿明傳情，但係阿明後期發覺…

牆後面根本冇可能有人喺度。

上面係咪講到好似鬼故呢？睇下面啦…





故事：

呢度係我嘅大學宿舍，今日係我第一日嚟到呢度，2樓A房，係最尾嘅一個房，房好細，淨係可以放一張床同一張書檯，放低咗D行李，見攰攰地，我就走咗去沖個涼，沖完涼，見個頭仲未乾，我就坐咗喺張床度睇書，睇睇吓唔覺唔覺都12點幾嚧，諗住訓啦，點知…

「咯咯咯」，張床隔離道牆傳嚟D好似敲門咁嘅聲。

「咯咯咯」，「隔離係咪有人呀？」一把幾好聽嘅女仔聲。

我見係女仔聲，即刻搶住回應︰「有人呀，你好，我今日初嚟報到，好高興認識你呀，我叫阿明，你叫咩名呀？」





「阿飄，好高興認識你呀。」

可能佢好寂寞啦，之後既每一晚，我哋都係隔住道牆黎傾計，咩心事都會有傾到。

後來，因為我都好想知道佢係咩樣，所以每日出門嗰陣都會去敲敲2B房道門，睇吓有冇人喺度，但係一直都冇人應，到而家，我都未見過佢真人，我心諗，佢把聲咁好聽，一定係個靚女，如果真係咁，交往吓都好噃。

某一日…

我一落樓諗住去上堂，「喂，阿明，介紹個Friend你識。」我大學同學大輝(即係朋友A)行左埋黎我度講。





「Hello，你就係住我隔離房條友呀？」大輝朋友(即係朋友B)笑淫淫咁講。

「隔離！？我住2A架喎。」我回應佢。

之後阿輝朋友攞咗條鎖匙出嚟，係2B，佢再講︰「我住呢度咁耐都未試過咁正嘅，晚晚有得聽一男一女喺度呵呵呵，喂，下次介紹佢俾我識丫。」

我呆咗咁企喺度，個心寒左一下，因為…

我個房南邊係窗口，北邊係門口，東邊既牆後面係樓梯，西邊既牆後面就係2B房，咁…

個女仔喺邊同我講野架？

我將我所知既所有野都講晒俾阿輝同佢朋友知，然後叫埋佢地，一齊衝返上房檢查一下2A同2B之間既牆，發現…

牆中間既空間根本唔可能容納一個人喺度，咁…





晚晚同我講野既係邊個呀？










































我唔相信有鬼既存在，所以你話我發神經都係咁話喇，我決定起勢咁拆左道牆佢…

結果…

牆拆爛晒，仲發現左兩條…屍…








































C字型既水喉，其實係兩條傳聲筒黎，一條傳去2A，一條傳去2B，都係接駁到樓上單位，原來…

同我傾計既係樓上既小美，一個暗戀左我好耐既死肥婆，佢使橫手攞左樓上既3A單位，仲用唔知咩手段安排左2A單位俾我…

為既，就係用呢種傳聲筒既方法引我同佢傾計，佢個死變態，仲自稱阿飄，我真係…

屌佢老母丫。

後續︰

多左好多條水喉傳聲筒駁左上3B單位。

(完)