《米米蓮的100個揭尾故合集》: 《落雨無帶遮》謎底

《落雨無帶遮》

謎底：

有個變態佬入左小華屋企，仲綁起左小華，之後咁講︰

「而家我同你玩個遊戲，如果你贏，我就走，如果你輸，我就將你先姦後殺，遊戲好簡單，你可以打俾任何一個人，句括警察，但係唔可以俾我聽到任何一句求救既說話，否則，就係輸，贏亦好簡單，令我知難而退就得。」

小華雖然係驚，但係亦情急智生，佢冇選擇報警，而係…





「點呀？諗到未呀？」變態佬問。

「我要打俾我男朋友，阿明。」小華講。

「哈哈哈，好！我就睇下你點贏呢個遊戲！」變態佬回應。

之後小華打俾男朋友阿明…

當阿明接左電話之後，小華並冇作任何開場白，第一句就咁講︰





「阿明，攞把遮俾我丫！」

而響阿明果邊，阿明係見到外面陽光普照既，所以有咁既疑問：

「攞遮！？」

小華知道左佢自己既第一步成功左喇。

一來，九唔搭八，唔會有求救意思，二來，阿明似乎亦都明白左呢樣野，所以…





「唔好急，最緊要快！」

呢句係一句廢話，但係小華知道阿明係知道自己不嬲都唔鍾意講廢話既，所以係再次向阿明傳達一個求救訊息，亦同時講俾變態佬聽，我男朋友會好快就會到。

「咩話！？」

阿明既呢一句回應，恰到好處…

因為反映左阿明真係如小華所想，清楚知道小華最憎廢話既，明白到事有蹺蹊。

不過咁岩得咁蹺，原來當時阿明亦俾個普通竊賊衝左入屋企，本來只係想偷野，點知撞到阿明，所以變成搶野，佢亦將阿明綁起左…

本來呢個普通竊賊唔俾阿明出聲既，但係當電話響起，佢又驚唔聽電話反而會令人起疑，變成引人上黎，所以用刀脅持住阿明，要阿明唔准求救之餘，仲要正常咁對話，否則統死佢。

結果，阿明冷靜咁用「攞遮！？」「咩話！？」處理左，小華亦都收左線。





直到呢度，阿明其實一直都安全，佢只係會損失財物，至於小華，本來仲有危險，因為變態佬仲係半信半疑，而且考慮緊小華頭先算唔算係求救…

不過…

咁岩普遍竊賊覺得小華同阿明既對話奇怪，所以嘗試去噤個回撥制，睇下阿明頭先傾計果個係咪單純係女友咁簡單，唔係警方，點知一打就通，小華又真係聽噃…

普遍竊賊一聽到小華把聲，立即驚起黎，又隊左個電話俾阿明聽…

呢次到阿明將計就計，用返把遮件事黎講：

「小華，我都想要把遮！」

意思就係…





小華，我知你果邊有問題，但係而家我呢邊都有問題呀！

「攞遮！？」

小華明白，所以就用返阿明既回應，咁樣回應，變態佬都冇佢乎…

「唔好急，最緊要快。」阿明再次確認相方情況。

「咩話！？」小華再次確認。

之後阿明收線。

變態佬事到如今，亦都心服口服，覺得小華已經用技巧通知左男朋友佢有危險，男朋友既回撥更加證明左呢樣野，而的而且確小華又冇用過求救字眼，所以認輸，真正「知難而退」，自己離開左。

普遍竊賊雖然傻下傻下，但係都會識驚，覺得小華急要阿明攞遮俾佢，如果阿明唔快D到，即係可能有問題，自己亦有機會俾人拉，所以最後隨手攞走300蚊就走左人。





最後，小華同阿明都平安冇事，白頭到老，永結同心。

(完)