《米米蓮的100個揭尾故合集》: 《千世》謎底

《千世》

謎底︰

故事講述一對夫婦 因為一次鬧交 做成一場慘劇

故事男主角 老公 一直知道自己老婆有奇怪

懷疑自己老婆勾佬 最後仲確定老婆真係勾佬 搭上另一個男人





所以慘劇當晚 佢向老婆理論 最後甚至錯手殺左老婆

好可惜當佢發現自己秘密之後 佢最後選擇左自殺

故事女主角 老婆 一直都好愛佢老公 但係由唔知幾時開始

老公出現左精神病 之後分裂出黎既人格

唔單止傷害老婆 仲將佢一邊眼拮盲左





雖然係咁 但係老婆冇放棄過老公 只係整容了事

人始終係人 冇辦法唔搵其他人傾訴 所以佢搵左第三者

但係只限於單純傾訴

隨住老公發病次數既頻密 對老婆既殘害 老婆既痛心

老婆同呢個第三者就變得日久生情





不過直到死前既一刻 老婆最後都係選擇返老公

就響老公誤殺老婆果晚之後既時間 第三者主動出現響老公面前

仲將佢所知既野 包括老公有精神分裂既病

同佢老婆最終選擇係返去老公身邊既事都講晒老公知

老公一直以為係老婆衰 走去勾佬

點知原來係自己另一個人格做成既錯事 攪成大家咁

但係一諗到老婆對自己不離不棄 佢就內疚起黎 最終自殺死左

《千世》講緊既係要珍惜婚姻 百世修來同船渡 千世修來共枕眠





(完)