《米米蓮的100個揭尾故合集》: 《警鐘》謎底

《警鐘》

謎底︰

故事關鍵明顯係以下呢兩句係咩人講︰
「我攪掂喇 你攪掂未呀？」
「哈哈哈 佢未攪掂」
用得個「佢」字，即係有第三者
而且兩句都冇可能係阿明講
因為會成個故事變得唔合理 唔知想點咁




所以呢兩句野只可能係乞衣或者第三者講
呢個故事必須正常假設冇鬼存在 (講到好似有鬼存在先係正常咁添)
即係兩句說話只可能係四個情況
乞三，乞乞，三三，三乞
但係如果只係一個人講 擺明就係黐線
唔係唔可以 但係開頭果段故事內容就變得冇晒意義
乞衣由「攪警鐘」到「沖完涼」 其實有個合理性響度
所以要再加一D正常假設
就係乞衣係正常人 (又好似講到乞衣係黐線先正常咁)
呢個亦係阿明既假設




所以點解佢「唔信件事就係咁簡單」
即係而家確定左乞衣係同緊第三者對話
如果係咁 第三者口中既「佢」就係講緊阿明
所以阿明知道自己俾人發現左
緊張到心臟病發！？
似乎仲差少少 就係合理既驚恐
我嘗試用返最後呢段去推返成件事
乞衣同第三者明顯係一伙
而且乞衣係正常人
佢仲要已經「攪警鐘」攪左幾個月




其中一個合理原因就係…
乞衣要安排一D野
而其中一個較有說服力既原因就係…
乞衣將要做既野 係會令警鐘響
簡單去猜想 好有機會係打劫
造成一個「狼來了」既效果
途人會變得唔確定係咪打劫
最少阿明當時係咁諗
而且佢仲意識到究竟第三者係咩人
冇錯 好簡單直接 就係悍匪
好似賊王級數既悍匪
所以阿明事實上係因為驚恐而令到心臟病發死
(完)