《米米蓮的100個揭尾故合集》: 《七幅畫》謎面

《七幅畫》

 謎面︰
我同兩個朋友一齊去外國森林探險
點知戇七七迷左路
結果仲落埋大雨
好在搵到一間好鬼陰森既古堡避下
不過無端端後面有條友行左出黎
仲話要帶我地入去古堡休息
佢一副死人樣




攪到我地都唔敢唔跟佢做
結果…
 
真係同恐怖片一樣
我同兩個朋友都俾佢困左響一個…
響呢個古堡一個好華麗既大廳旁邊既一個囚室裡面
叫天不應叫地不聞果隻
佢仲…
 
將我地一個一個帶出大廳




我響囚室玻璃窗口度望到…
 
古堡主人同我第一個朋友傾左陣計
都唔記得講添
帶我地入黎係古堡僕人
另外係有一個古堡主人既
點知佢地傾傾下計
個古堡主人抆槍一下就射死左我第一個朋友
 
之後古堡僕人帶左我第二個朋友出去




再好似之前咁
我朋友要同古堡主人傾計
再之後古堡主人仲拎左七副畫出黎俾佢睇
結果…
 
古堡主人又係一槍
不過冇殺到我朋友
而且古堡僕人同時走定過黎
開左囚室度門
帶左我出去
響呢一個時間度
我仲聽到…
 
「僕人，幫我帶佢去陪我隻寵物玩。」
 




之後僕人帶左我受左傷既果個朋友唔知去邊
而且…
 
終於到我玩
古堡主人攞左七幅畫響我面前
話其中六幅串連埋就係佢寵物既種類
只要我估到
我就可以享有呢度一齊設施
而且可以安全離開
佢七幅畫係︰
 
1) 一幅陽光海灘既畫
2) 一幅畫左個好靚既女人既畫
3) 一幅鯊魚！？咁鬼恐怖既？  
4) 一幅淨係得個載滿水既玻璃水瓶




5) 一幅得條好陰森既道路既畫，好似頭先黎呢度條路
6) 一幅有隻名種狗既畫
7) 一幅…人像畫，普通到唔識形容既人像畫
 
人！？女！？魚！？海！？路！？狗！？點砌呀？
 
我好唔好意思咁反問佢可唔可以有貼士
佢話得
不過要一隻腳換一個貼士
結果…
 
好好彩
我估中左
安全離開
但當我諗返我第二個朋友要一世陪住古堡主人隻寵物玩




我忍唔住笑左出黎

(完)