《米米蓮的100個揭尾故合集》: 《錯晒》謎底

《錯晒》
謎底︰
個男人本來只係呆呆滯滯咁上左車
但係車尾有D野激發左佢腦能量
所以佢決定用估年齡既方法引領自己行到最後座
本來個男人一出口就錯 仲攪到主角想用粗口鬧佢
但係可能主角個「屌佢老母」樣太出
攪到個男人立刻改變初衷 仲運用上人類通識技巧
逢女人都話18歲 逢男人都話25歲
人類既虛偽 令到整件事完美晒




個男人之後問親D人 D人都答係
直到問到最後座既女士 其實呢個女士一睇就知要坐關愛座果隻
根本係個阿婆黎 不過男人依然氹佢話50歲
所以個阿婆都講笑回應佢︰
「哈哈哈，是的，不過還有五分鐘就51歲了！」
不過當時個男人根本唔係在意個阿婆點答
而係想睇下激發佢腦能量既主體 — 仙氣
(即係好似仙女咁既靚女散發出黎既氣味)
一開始其實佢係見到車尾有個靚女 所以咁攪
但係最後當佢問到阿婆果陣個 阿婆旁邊既「仙氣」對住呢個男人笑




而且露出一副嚇死人既大爆鋼牙出黎 個男人接受唔到
所以最後係被嚇得臉色鐵青 彷彿震撼到無以復加
個男人其實係個毒撚 毒撚做野 一係唔做 一做就要霸氣
所以佢決定用個估年齡既方法黎引靚女注意 點知最後變成咁
個名《錯晒》咪就係講緊估錯晒
其實我諗諗下叫《虛偽》仲好
本來都諗過叫《毒撚》但係太出了
(完)