《米米蓮的100個揭尾故合集》: 《Microphone》謎底

《Microphone》
謎底：
阿明同阿華都係HiHiTV既記者
去呢條村既原因 係因為想採訪呢條奇怪既村
因為呢條村所有成年人都係駝背既
點知因為阿明有些少醫學根底
當佢去睇過村民脊骨既時候
佢發現左原來D村民既駝背唔係天生 而係人為既
因為每個人脊骨都有一個金屬扣
係令到村民脊骨變成畸形既主因




於是乎走左去搵條村最有權力而且又語言上溝通到既村長傾
不過村長知道阿明同阿華發現左秘密之後
竟然帶住阿明同阿華出去同村民宣佈一件事
佢屈阿明同阿華原本都係大家既同類
不過受左魔鬼影響 變成一D企得直唔正常既人
所以成班村民發晒癲咁將阿明同阿華變成同類
完成之後 佢地覺得幫阿明同阿華驅趕左魔鬼
所以都好高興 至於阿明同阿華就永遠變成駝背人
仲因為村長唔俾佢地離開而被禁固 變得生不如死





村落既秘密 其實就係因為村長係先天駝背
所以唔抵得人地正常 利用自己既權力
年復年咁將D發育中既少年整成晒駝背

(完)

至於Microphone個名點黎
我自己用黎當記號用 唔好用黎諗故
如果唔係肯定諗死 Microphone意思係木高峰
講緊既係有關駝背佬既故事