單身女子隨筆: 閨蜜

我的閨蜜同我相識二十年， 我地係南轅北轍的兩種女仔，閨蜜外表滾滾，人見人愛，卻是天生的老千高手同測謊機。我就睇起黎冷冰冰，好精明，但係經常做好多好on居既事同搞好多爛gag。閨蜜擅於猜心，我同人交心。
曾經我地同時遇到令自己迷戀既人，我地都做左相反既選擇，佢選擇忠於自己既感受，選擇向生活低頭;我選擇忠於自己愛情，同初戀同甘共苦。

八年黎佢有數唔盡既男人，我死守一個。可笑既係我同佢到最後都用男人去治療對愛既失望。佢愧對至愛，我愧對自己。
佢笑說：人生總會遇到個至仆街既人，我做左至仆街果個，你遇到至仆街果個。兩個失意既女人躺在大床上哈哈大笑。
佢問我年過30到底想要啲乜嘢，我想要啲乜嘢？
或者我想要一段舒服既關係，唔好管我，俾我做鐘意既事，唔好管我話渣電單車危險，我想做自己。得閒出黎食餐飯，有心情可以做任何我地想做既事。