單身女子隨筆: 文字慾

初戀消失的時候，其時整個生命圈的重要友人都正值幸福階段，新婚、新戀情、有左BB全部幸福滿瀉，難道我仲要好似個怨婦咁天天哭訴麼？我唯有扮無事，扮放低，每次見面都嘻嘻哈哈，其實獨處既時候好多時都不自覺流淚，睇書喊、食飯喊、行街喊、搭車喊，當一個人既時候，放空既時候就喊，每晚抱他的枕頭聞著他的氣味，我好辛苦好辛苦，我唔識處理，我唔知點做，我只能夠一個人去面對，我需要為自己找個出口.

自從陌生男子之後，我對感情、道德及性既感覺開始反思，對專一的感情抱有懷疑，八年黎對著同一個男人從不變心, 係咪我有問題呢？對道德有疑問，心裡同身體其實係咪可以同時愛好多個人, 而唔覺得內疚？對性更是好奇，我的身體能不能接受到其他男人？
一堆疑問加上寂寞, 我在各論壇游走, 觀察眾人所謂的男歡女愛。曾經因為想知道自己能不能再接受男人，學人開POST徵友，宅男、古怪男、情慾CV男…過程有趣兼食到一地花生殼，稍稍緩和了沈鬱的情緒，只挑了兩個正經既見面，呃餐飯食呃場戲睇, 只是滿足一下好奇心，仍不知道自己想要咩，隱約知道自己不容易接受別人。

然後, 再大膽啲開POST扮徵SP, 非常好奇會徵到啲咩人？當時既我非常驚訝，有很多人夫、人地男友, 仍然是宅男、古怪男、情慾CV男下刪幾十個不提. 我對已有伴侶的人偷食這課題很感興趣, 為什麼可以這樣？唔係鐘意先拍拖結婚？一齊左又搵其他人即係點？當時既我大概白痴得過份, 我揀左幾位思路比較正常既男子：我想知點解你要搵SP，你不愛你的伴侶嗎？每個人既答案都唔同，但係又有共通點，都係因為對方有啲嘢滿足唔到，所以出去搵，但係又唔會分手，又或者已經覺得同伴侶傾唔到解決方法，慢慢事情演變到有人同我傾佢同伴侶之間既事，由始至終，我無答應亦無同任何男人做過，純粹的文字慾。

我似懂非懂，因為愛對方而對方唔想做, 怕對方難受而自己又忍唔到所以選擇身體出軌, 有個同我講因為出軌可以令自己對伴侶更好。我無答應任何男子既邀約，無感情我唔會有性慾。我覺得要從陌生人身上找尋歡愉某程度上係好可憐，性係愛情既添加劑，性係美好的而不是污穢的，係令一段感情更加溫暖，令彼此更愛對方，係情感的表達，無關乎是否夫妻、情侶、朋友都係一個名詞，關鍵詞係愛，那怕是只有一點點喜歡都好. 就我對陌生男子那次的經歷，無感情更何況是感覺？當他碰我的時候，我覺得好凍，他想挑起我的慾望, 但我的身體沒有反應，沒有溫度既性最是悲涼，他一做完就走, 果種空洞好可怕，我以後都唔會再想試。

在游走其他討論區期間, 我認識一位男子, 佢好有趣, 佢話：我唔想出軌, 但係女友唔想同我做愛, 我地玩文字慾吧？文字慾，透過文字滿足性慾，是精神上做愛，聽落幾好玩，他是位頗有文字功力的男子，他教我玩的文字慾像是故事接龍，一齊諗一個故事同人物做開始，你一言我一語的接落去，有時我地係補習老師與學生、護士與病人、舊日情人重遇之類，有趣的遊戲，我同佢玩得不亦樂乎，佢得到性幻想，我會寫到心跳興奮，有啲似睇AV既感覺，亦會將同初戀做愛既感覺寫落去，無辦法，我既性經驗只有佢，可能寫果段係用玩既心情，無咩悲傷既感覺.



直到我識到小初哥同無憾, 我無再玩文字慾遊戲，我開始感覺到我唔正常既情緒逐步恢復正常，亦開始覺得玩文字慾好無聊好ON居，我爽性刪左WECHAT唔再玩, 呢個係我無WECHAT既原因.

我暫時得出既想法：在忠於自己與尊重對方之間找個平衡吧，只要唔傷害到人，知道自己做乜，保護好自己，歡愉又何妨呢？