羽夜（完）: 40

「你真系唔怕比人斬死咩？」她問。

「我呢種人，死不足息。但我哥係無辜既，我一定要還佢清白……」

「但唔係買起佢啊嘛。」她打岔:「我知冇可能勸到黑社會，你亦聽唔入耳。我都唔信執法人員，但你一墮入呢個循環，就無了期……」

「最後一次？」我說。

「唔殺得。你仲要靠佢d餘黨引劉榮發出黎。」她說。在此刻，她比雯宣對我的說服力更大。





「你快d出手啦……」我有點不耐煩地說。

「未係時候。」她說。

「唔好話我知，今日都係妳既伏筆……」我的疑心又來。她沒有作响，就是默認。我猜，她計算了楊老闆會助我一把，向劉榮發伸手合作，叫停以樂，二人則安心與我做交易。劉榮發與老薑是生意拍檔，老薑不會完全地為了生爺而與金主反面。而江湖這邊，其實也是看利益。宋靖琳果然萬事盡算。但還差一個許司長。

「相信你都估到。」她說。我笑了笑。

「你抖下，我再黎睇你。」她說罷便走了。





「大佬！」豹女、博士、沙煲、冰王和沙po飛也到了。我豪氣地坐着，抽着雪茄。

「同我踢佢地d馬入黎，我要疊死佢地先。其他野，唔好掂住。」我吐了口煙。

「係，大佬。」……豹女、博士和冰王留了下來。

「金三角個會，你仲開唔開到？」冰王問我。

我拉一拉傷口上過緊的蹦帶和左上臂至肩那個龍紋身上的紗布，手捂在傷口上忍痛。「班死花腰同以樂輪流掃我d場，我再唔出貨，錢從何來？」我再抽口雪茄:「不過呢排風聲真系太緊，所以我想轉晒d模式。」





「啊仲有，冰王，有樣野想你幫。」

「你講啦希少。」

「幫我洗盡人情牌巴結老薑，仲有踩開老元果個四眼華。」

「果個前老坐？兩個都係以樂既人。」他仿佛有疑問。

「佢地同新界仔fd, 食左呢兩條水之後，我地就系比例最大。佢地係聰明人，識揀既。」

「冇問題，姐係以後要希少up頭，佢地先可以做野……」

「同佢地講，我只係要4。」我打岔。4是六四比的四。

「明晒，就當一人讓一步，唔再鬼打鬼。」冰王也奸笑。





「有你同猜冧去，我就放心。」我抽了口雪茄。猜冧，現年40，羽夜二路元帥，與冰王一樣元老級資歷。他效忠龍爺，自從見過我「起朵」時四天剷平一個字頭的勢力後，便佩服我。他江湖地位卻不遜於老薑，但勢力範圍比老薑大，是位不可多得的人馬。

「放心啦，希少。」他再問:「仲有冇野要我去搞？」

「我要㩒住一個人，以後唔比佢喺香港出貨~」我奸笑著。

我要引許司長出來找我，並引宋靖琳出手。鲜為人知，許司長與銀三角有非尋常關係，他默地容忍及協助銀三角與我們金三角在港澳台東南亞分一杯羹，從中抽佣，我是金三角話事人之一，豈會不知。只是一直怕道高一呎，魔高一丈。如今我自可打正旗號。