羽夜（完）: 35

「老竇，你係米知關於楊老闆背後既勾當呀？你知幾多，講哂比我聽。」我回父母家吃飯。

「你要同佢合作咩？」他好奇。

「我……想知啫。」我不敢提我哥，因為我爸很避忌。

「我自己知既，就係元朗發同佢收地分佣，佢應該再同許司長有計劃甘圍標發展再對分。呢單野差唔多半個江湖都知，不過我點解知係許司長呢？因為佢本人曾經同我合作過一次。我果時係坐館，佢岩岩坐正但竟然差人錢……」

「佢搵你做咩？」





「搞商場同工廈，其實佢想見光一批錢。」他壓低聲音:「佢好豪氣架。不過龍爺唔想我再同官合作，所以只此果次。」

「甘元朗發呢？」

「佢丁頭唔多、地頭唔大，不過d地甘岩搶手。佢出名同以樂fd你都知架啦，有個區議員都係佢隻馬。佢欺善怕惡既，一知吹牛生就判入祠堂即刻同佢斬攬。」

我吃完飯，喝了杯威士忌。

「云爺，我想知……點起人尾駐起得靚？」我問。





「你真系抵死過我呀邢羽希，睇黎有人得罪左我寶貝女喎？」他笑了笑，又說:「信唔信我未起過人尾駐呀？」

「我只系知，i won,t let them survive......」我一手抓皺了剛開的税單，扔開。我媽感到不對勁:「羽希，話比我知做咩事，我擔心你。」

「係囉希少，呢排風聲緊，班死花腰想刮你底，你收收火先。」爸說。

「i only live once.」我把税單撕碎了，便開門走。「喂希呀……」「税單……」

我一肚氣正想回羽夜，找豹女和博士，卻發現雯宣與楊領豪兒子楊子傑在餐廳用僐，更有鮮花在旁。我在偷看，我看楊子傑並非只與雯宣頓生意飯這般簡單。吃過飯，楊子傑更與雯宣上了他的車。我立刻傳訊息給雯宣。





「靚女，做緊咩？~21:03」

不久後她便回覆:「好忙呀，仲有野做:( ~21:06」

「哦。~21:06」我冷冷地回應，有點不悦，連手機流動數據也關掉。

「希少。」「希少！」我經過其中一個站街魚蛋檔，又看到不遠處，那個楊子君又在不知拍什麼。

「子君！」我在她後面嚇她。

「嚇死人咩邢羽希！」她嚇破了膽，我笑了。

「你捕我d魚蛋妹牙？」我說著笑。

「其實我寫緊套以性工作者為題材既小說，所以……」





我笑著打岔:「不如我幫下妳？」