羽夜（完）: 26

「羽希，你掂唔掂？」父親低聲問我。

「有d胃痛同wing wing地啫，你驚咩？以樂d人郁我唔到，我成百幾個兄弟喺出面。」我耳朵有點泛紅，呷著水解酒。爸笑了，拍我肩:「啊你真系抵死過我呀邢羽希。抵你做489~」

「收 _ 啦！云爺！」我取笑我爸，推推他。

「希少射住呀下~」他也取笑我，輕推我，微笑著。之後便走去找龍爺和與其他叔父聊。

「希少。以前服，我今日更服。」冰王替我斟了水微笑，沙煲也上前為我拉椅子，對冰王說:「希少成日幫我出頭，除左佢，我唔會認其他大佬。」仇兄面不改容，不說一話地坐開了。





「鬼見愁！睇到未啊！」沙煲刻意挑釁仇兄，仇兄只是若無其事地在喝酒。「沙煲！坐低。」我淡然地停了他，他偏要說:「希少啊！你係太子爺啫，但你係食實力上……」「收聲。」我喝停了他。「對唔住希少。」他向我道歉。

我掏了口煙含着，沙煲立刻為我點火。

「希少~做乜唔同我打招呼呀？頭先好覇氣喎~」另外兩三個堂口的坐館級人馬特意上前到我們羽夜的桌，對我打招呼。開口那位是第二大字頭「義蟹」大家姐、雙花紅棍雷浩澄。我呼了口煙，站了起來。

「thunder姐見笑喇。」我挺喜歡這女人，因為她很刺激。我抽了一口，掏了包雪茄遞向她。「自己食煙，請我既系雪茄。希少，我受唔起喎~」她掏了一支，一名兄弟為她點火。我嘴角上揚，吐了口煙。

「當多謝你以前冇打死我~」我和她對望。





「你甘花fit~ 我果幾拳算得乜野呀？」她微笑。

「你個心仲喺我度既話，我都唔介意比你打幾野架~」我輕佻地說。她正要回應，又是那些死反黑阻礙了我們。

「老薑叔，生日快樂！」總督察呂sir帶隊，包括高級督察利sir和張sir, A隊杜宇浚等人和B隊王sir一干人等高調闖入。

「呂sir, 今日我大壽，乜甘好禮呀？」老薑叔與呂sir對侍着。

「阻到你雅興唔好意思~」呂sir說。





「循例，d細既抄晒佢地牌，大既利sir張sir杜sir王sir跟我去搞。」「yes sir!」……呂sir下旨，利sir張sir立刻命令他們為數百多人的隊伍去登記身份證。

如果不是因為老薑叔生辰，相信已經警黑大戰了。老薑的二馬出言安慰兄弟:「大家合作d，今日老薑叔生日。」

「龍爺云爺都喺度呀？辛苦兩位喇。」他走向我爸和契爺那邊。利sir張sir王sir和杜sir跟隨呂sir, 將有江湖地位的人分到台前親自登記。

「咦咦？希少爺？」呂sir看見我，便走近我:「一年間將羽夜發大左成倍，果然系科大既資優畢業生。連macrosoft副總裁邀請函都推，抵你做坐館。」呂sir拍了拍杜sir的肩說:「你個超級仇口。」我與他對侍著。

「中學果陣，我捉到你條賣白粉，你搵成車人兇我; 我借你d野黎用，你就吹雞打我，淋我紅油; 我係話你一世爛仔，轉個頭你就同我開拖，片左我五刀。如果你唔系成績好，校長要保你，根本唔可能剔走哂你d缺點。我岩岩做督察果陣比人凹麻包袋圍毆，屋企人比人淋火水，街口隻狗被人屈我放火燒佢，全部都係你！爛仔扮好仔，知唔知我有幾憎你？」他亳不友善地盯著我。我倒抽一口煙，吐出煙圈，冷笑著。

「呂sir, 有料到。」一警嚷。

「杜sir唔洗嬲~」呂sir說:「對唔住喇老薑叔。全部拉番去影相。」

「yes sir!」……