羽夜（完）: 18

宋靖琳，你到底想點……

「駁左去郭雯宣手機喇可？」她又用了變聲器。

「係。一切就緒。3，2......」

「郭雯宣，好高興見到你。你冇眼花，邢羽希依家喺我手上。」

鏡頭收音傳來雯宣的聲音：「你係咩人？你想點？你唔好傷害佢……」





「你唔需要知我係邊個。三個鐘頭後，我要兩億現金。仲有，我知你名下持有碧壐集團30%股份，我要你依家喺我面前簽有效同意書無條件放棄。我要你寫多張合同，一個月內變賣你名下所有資產作慈善用途。如果妳有任何一樣唔肯，我就撕票。」我感到有槍對準我的太陽穴。

「3......」

「我應承你。我依家寫。你唔好傷到羽希。」

我忽被解開蒙眼布，看到眼前螢幕上不敢怠慢、很緊張焦急而且滿面淚印的雯宣。「嗯嗯……」我想說不要，她看了我一眼，更毅然地簽。

「放左羽希。我自會拎錢比你。」她把同意書和合同向鏡頭展示。





「我會再聯絡你。如果警察知道半個字，我即刻撕票。」

畫面立刻被上官龍一停止了。宋靖琳脱下面具，對我說：「你睇到啦。你想證實既野。」我暗忖著她令我看到，雯宣為了我，連名下家產和碧壐也放棄。我睨着她。「依家到我同你傾生意。」她掏出手機，開了一條片給我看。

「嗯嗯……」我看到爸向黑仔明購買軍火，心裡很激動。

「你地全家黄賭毒乜都玩，如果係其他人，我一早出左手。不過，睇著你地做既善事都唔少，你又係我契爺指定唔可以對付既人。友情價，二千萬賣斷比你。」她說罷，拿開了我口中的毛巾。

「你比番碧壐比雯宣，我幾多都比。」我說。





「not your business. 你果二千萬，我會幫你喺山區起間學校，同你積陰得。」

「甘我就講呢個。我比二千五百萬你，你可唔可以用我老豆名義起？」

「孝順女，我代表山區既小朋友，多謝你先。」她嘴角上揚。

「你真系好有計劃。」我暗忖著她的居心。

「可惜未有機會見識你有幾聰明。不過，遊戲未玩完。」

「郭雯宣已經準備好兩億。」一人說。

「果然爽快～」

她致電雯宣：「去香港仔。」