羽夜（完）: 15

忽然一名男子走進來發現了我並舉槍指向我，我立刻向他射出兩張刀片牌撞走他的手槍，再躲向另一處，另外兩人立刻上前增援，我在他們掏出槍那刻飛牌打中他們的手，牌迴旋歸來時我再跳起接住，再飛四張牌向門口男引開他，並向門口跑走。此時，宋靖琳便出現，擋了在我面前，微笑。

回望門口男，他雙手皆接住了一張牌；他們包圍着我。看見靖琳，齊聲說了句：「宋先生。」

「佢係我朋友。」宋靖琳說。

「係你刻意引我黎既。」我說。

「試下你既身手同智慧，唔過份姐？冇諗過你用暗門都用得幾出色。」她微笑，再說：「我都知你好難相信我。所以我想同你講多d。」





「我諗…我見過你。」我看著那個門口男，覺得有點面善，不斷回想。「你好似…上官仁傑？」我這句，令他們很錯鍔。

「你識我契爺？」宋靖琳看來很淡定。

「十七歲果年，我同表哥偷偷地去左睇我表舅父d地下賭場。佢冇輸過，你都明咩叫做馬架啦。有個叫上官仁傑既人，每晚都赢好多。贏左既錢，原來係攞去買書買野食比孤兒院。上官先生知道左我地知道之後，仲帶我地一齊去。我表舅父踢爆左佢出千之後，我同表哥幫佢著草。佢走之前，淨係飛左張牌比我，上面有保重兩個字。」我補充：「或者因為果次，我表舅父就睇我同表哥唔順超。」

「你一早知？」我看到宋靖琳的表情，不禁冷笑。

「如果你唔係甘為兄弟朋友，唔係契爺講甘本性善良，我都唔會對你客氣。你既飛牌技術，相信都系佢教既。」她再介紹那門口男，說：「佢叫上官龍一，係佢個仔。」





「睇黎我仲未夠道行同你玩。」我苦笑。我直覺覺得，他們有目的在身，不是那簡單。

「你當我系朋友既話，可以試下信我，或者我比到你想要既野比你呢？」我終於看通了這個遊戲，原來我已經「肉隨針板上」。

「睇黎你至在必得。有必要益我咩？」我很大膽。

「你係我朋友，又係我契爺朋友。」她說。

「甘，聽日見啦。」我不禁冷笑一聲，說。





「好。」