羽夜（完）: 13

現場有cctv拍下過程，我媽會親自為我打官司，基本上一定可以勝訴。死剩的一個人已經向警察招了供，亦明知是幫會仇殺，但我媽出口術令他們半字也没對外說。只可惜事件驚動了郭萬軍，他信我媽但不相信我，對我起了戒心。

「爸，我講過我大學識羽希到依家，而且佢今次如果唔係為左救我，件事唔會甘……」

「佢係你朋友炸嘛，你好了解佢咩？依家佢比人斬呀！你話佢係咩酒吧咩夜場老闆，方唔係野左黑社會……你係碧壐未來老闆黎架，阿爸得你一粒女……」

「我知架喇爸……」

「淑怡，你好好睇住你囡囡啦。」





「唔好意思啊萬軍。」

「傻啦，我同你甘多年老朋友。而且畢竟羽希係雯宣救命恩人。」……

我刻意等郭萬軍走了才睜眼。

「雯宣呢？」我看見爸和媽。

「郭老闆要佢番公司平息內部疑心。佢話佢聽日黎睇你。」媽說。





「羽希，你知唔知係邊條契弟要郁你？」爸這個問題顯然有預設答案。

「表舅父。」我苦笑。

「唔係呀嘛？」媽望向爸。爸很生氣地壓低聲：「佢敬酒唔飲飲罰酒，死要你批貨，又唱你獨食，差d想買通其他堂口。你表哥錫你，先好彩阻止到佢。」

「表哥成日比表舅父恰，得我知。」我說。

「呢條契弟敢郁你，我就要佢班兄弟親自踢佢落馬再隊冧佢……」爸壓低聲，說完便走了。





「邢智云！」媽喊不住他，只好對我說：「你自己小心，換左我比你既新筆同錶佢。我去睇住你老竇。」

「大佬！……」不一會，沙po飛，阿風等十幾個兄弟來了。

「風頭火勢，仲黎？」我自己坐起來，收到豹女和博士「太空卡」手機的慰問。

「大佬，我帶隊搞掂佢地。」沙po飛走上前說。

「唔洗出貨咩？」我質問他。「對唔住大佬。」

「仇兄，麻煩你，我唔想我伯爺整污糟佢對手。」我抹着我的新錶。仇兄，人稱鬼見愁，我父親的江山拍擋，王牌打手，四十有五了。

「希少放心。」他說。

「聽日我會照帶隊，一切不變。」我戴起那手錶。





「係，希少。」

兄弟們剛走，宋靖琳便來了。