羽夜（完）: 6

「咦靚女，特登黎搵我架？」我回到酒吧，便看到獨個兒靜坐吧桌細嘗威士忌的宋靖琳。

「你個酒吧甘多靚酒，人地唔識飲姐，但我飲得出既。」她呷了一口，再說：「不過你d酒好似靚得有d過份，唔似比普通客飲啵…」

她的確沒錯，這裡的酒，都是雯宣喜歡喝的。

「就睇你隻vodka, 我諗得高級酒吧先會賣呢隻grey goose。其他酒吧一定係sky, alsolut。」我實在很佩服她的細心，和對酒的認識。

「妳唔怕妳太聰明，我會唔likey咩？」我靠着酒吧桌，烘近她。





「我估妳唔會愛上蠢女人，因為蠢女人睇唔穿妳既細心~」

「妳真係好有情趣~」我輕佻地再靠近她多一些。

「差人查牌，全部米郁……」「男左女右，拎身份證出黎……」……一班便裝警員闖進來。

我和靖琳也望向門口。又是他！他走向我們。「邢羽希，阻到你雅興添！啊不過你唔係良好市民，你大可以唔配合我地警方既~」他那種囂張跋扈，十幾年也是一個模樣。

「杜sir 你真係好得閒冇野做架姐~」我站起來，立即有一班兄弟走了出來保護我，為數比他們多。





「唔好兇我啊，我一個唔覺意搭晒你地番去坐，到時你真系好得閒喇~」他對着我輕佻完畢，便對宋靖琳說：「靚女，你甘生面口既？不過我勸你唔好痴甘多呢位「羽夜」既坐館喇。未自我介紹，我係反黑組督察杜宇浚。」

「杜sir你d 馬仔，係比你以前做風紀隊長多左d啵~」我刻意說大聲些。「哈哈哈……」……我的兄弟們取笑他。

「我就系睇你唔順超。不過我大把機會慢慢帚你d場。」

「杜sir, 檢查完。」「杜sir, 呢邊都ok。」

「一場舊同學，我一定會密d上黎探你既。」他與我對侍着。





「開定酒等你。」我帥氣微笑。

「收隊。」「yes sir...」……

「吾好意思……」我剛開口，宋靖琳便說：「傻啦，我完全唔介意。」

「佢係我中學同學，不過肯定前世撈亂骨頭。」我倒了一杯伏特加，一口干掉。

「呢d係美好回憶黎既~」她也干掉威士忌，我為她添了些。

「我同佢都係搵食姐。佢唔好搞到我班手足冇飯開就得。」我再干了杯伏特加。

「其實我同意架，有時候身不由己，環境對你既影響仲深。」她也呷了幾口。

「睇黎妳都身同感受喎。」我又干了杯伏特加，醉意泛上令我很舒服。





她笑了笑：「同你傾計真系好舒服。」

「係米架？」我開始有點酒液上腦。

「你醉喇~」她用手背摸我臉頰，又說：「不如我送你回家？」

我開始有點不清醒，仿佛看到雯宣在我面前。

「雯宣……」我一下子親吻了下去……