【大學故】《上到大學，原來真係會咩都唔同曬》: 二十六
(二十六)
*雪琪視覺
「bb，呢個係咪你嗰個女同學啊？」
今日係星期六，難得嘉浩話唔溫書走左黎我個頭揾我，我緊係狗衝應承啦。
我地去左我屋企附近一間大家樂食lunch，一坐低我就挨係嘉浩手臂玩電話，而嘉浩都係度睇佢個啲每日一更既漫畫。
都唔明啲男仔點解咁鍾意睇動漫。
岩岩碌開ig，見到有個friend request，個profile係個全身照好撚索既啡髮女仔。
個account名係__cecichan，唔通係上次嗰個靚女？
「邊個啊？」嘉浩雖然咁樣問我，但對眼仲係停留係佢部電話上面。
「呢個呀」我將手機遞到佢面前。
「係掛，好似... 」嘉浩本來好快望左一眼然後即刻望番佢自己部電話，但下一秒佢又即刻另番過黎然後搶左我部電話「ce... ceci？佢follow妳？」佢好緊張咁講
「係啊，咁緊張做咩啊你」我好疑惑咁係佢手上拎番個電話，跟住即刻將焦點放番係ig上面「點解佢會follow我既，佢真係好正啊」我開始好興奮咁j佢啲相，亦都accept左佢。
「佢真係好索！」我一路挨住嘉浩一路沉醉係自己既世界。
哈哈，無錯，我好鍾意睇靚女，我鍾意睇女既程度絕對不比男仔低。我甚至鍾意睇靚女多過靚仔！所以其實我ig都follow埋唔少ig女神。
咩姐，要吸取其他人既優點先可以令自己進步架嘛！係咪先！
「女神真係唔同啲，喂呀你睇下先啦！張張相都五百幾個like喎！」我係咁chok嘉浩。
「妳都有三百幾啦，我淨係睇妳咪夠囉」佢另過黎鍚左落我塊面度。
「認真，佢咁索，係咪好多仔媾架」
「好似係掛... 我同佢唔係好熟架咋」嘉浩支支吾吾咁講。
「仲以為你地好fd添」我話「咁你有無望過佢對腳佢對波！」我一下扭住佢耳仔。
「無... 無呀無呀，都話淨係望妳一個咪夠囉，女朋友大人」嘉浩放低佢部電話，然後一手攬住我。
「算你啦」我笑住咁講。
我真係好鍾意嘉浩。
佢俾到一種好安全好溫暖既感覺我。
每次當我有咩挫敗或者失落個陣，只要佢笑住咁攬住我同我講有佢係度既話，我個心真係會即刻放鬆左好多。
只要佢一笑，我就會成個俾佢溶左咁。我好想呢世都霸住呢個男人。我好想佢只係屬於我一個。
我真係好怕有一日，佢會突然離開我。
「屌，佢真係好賤，唔好為左啲賤男喊啦！」坐我地隔離枱有三個女仔係度講野，因為太大聲既關係，吸引左附近既人既目光。
「點解啊... 點解... 要咁對我」其中一個短髮既女仔不斷係度喊
「唔好喊啦，呢啲咁既男人邊值得你流眼淚！」佢隔離個個戴眼鏡既女仔係咁掃佢背安慰佢。
「係咪我做得唔夠好啊，嗚... 」
「佢兩個狗男女，佢地要咁cheap咪成全佢地囉！」
「佢話要分手啊，點解啊...」短髮女拎住部電話喊到收唔到聲「嗚嗚... 我唔介意佢地有野，可唔可以唔好分手啊，我唔想分手啊，嗚...」
「你醒啦，呢兩個賤人黎架！祝佢兩個早日生愛滋！傻婆唔好喊啦」
短短既對話，唔難聽得出係個女仔發現男朋友出面有第二個，而個男仔最終揀左出面個個。
感情... 真係好脆弱。
我望一望隔離既嘉浩，發現佢都望緊我。
嘉浩一手將我個頭攬落佢手臂，然後鍚左落我額頭「我地走囉」
「嗯」
*嘉浩視覺
岩岩雪琪無意中咁講起ceci已經令我咁緊張，唉。
『你番緊屋企？』呢日放左學之後ceci就wtsapp左我。
我好不解點解佢會好似知道曬我schedule咁，每日死唔斷氣要上我屋企。
『唔係，我去緊雪琪度』
其實我番緊屋企，只不過... 我驚我見到ceci俾佢引多兩引又忍唔住。每次做完，我個心都好內疚。
雪琪，好對唔住。
ceci無再覆我。
我經過樓下間茶記買左份詠兒最鍾意既西多。詠兒下年就dse，唔知佢係咪呢排見我好chur定食錯藥定好似當年既我咁titanic，呢幾日佢都好乖咁放學就返屋企，有時仲會自動覺溫書。
不過咁都幾好，個衰妹終於識諗。
『bb啊，我依家去緊你屋企啊(豬樣)』等緊個西多個陣收到雪琪wtsapp
『ok(心心)』
呢一刻，我好想攬實雪琪。
「叮噹！」
「咦呀哥？乜你唔係去雪琪度咩？」詠兒一打開門見到我，就好驚訝咁講。
「下，我幾時話過去雪琪度啊？」
「你岩岩講既」呢個時候詠兒身後傳黎一把好熟悉既聲，我個心即刻離左一離。
係詠兒身後既，係ceci。
我成個呆左係度，我地三條友就咁企左係度。
「喂呀哥，做咩呆曬啊？」詠兒伸手埋黎係我面前揚左兩揚，我即刻回神道「啊... 無野，ceci妳係度既？」
「哦無啊，諗住同你傾番上莊啲野咋嘛」ceci對住我好淫咁笑左一笑，好彩背對住佢既詠兒睇唔到。
「係啊，ceci姐姐等左你勁耐，點知你岩岩話去雪琪度喎，我本身諗住同佢落去食野架啦。」
上莊？我幾撚時有上莊啊？陳靜彤，妳又玩乜啊。
呢一刻我忍住我既怒氣，然後對住詠兒講「無啊，岩岩雪琪wtsapp我話過緊黎，咁我咪番黎囉。」
「哦，咁我地落去食啲野再番黎啦」詠兒好對住我講，同時想拉住ceci落去。
「我今日唔得閒要陪女朋友，啲野我地聽日係學校傾啦」我話「藍詠兒我買左野俾妳食」我遞左袋野俾佢。
「咁唔緊要啦，我走先」從ceci一路將頭髮撥去耳仔後面一路對住我講，然後轉身對住詠兒笑住咁講「byebye」
ceci走左之後，藍詠兒即刻將我推到。
「拿藍嘉浩依家唔係事必要你講，但若果你唔講，你死撚緊！」佢訓身扎住我
「喂妳好重啊！咩事呀妳」
「條女咩料啊？」
「咩咩料啊...咪同學囉」
「同學！除左雪琪同埋小熙之外，未試過有女女單獨上你屋企搵你架喎！上莊？黎到你屋企搵你？下？」佢係咁箍住我條頸「講！你係咪偷食！」
丫平時又唔見妳咁醒...
「緊係唔係啦！我... 成日有fd上黎架啦，妳唔係屋企咋嘛」我狂兜
「條女著到咁上黎！你當我傻架！」
「ceci之前係讀國際學校架，佢番學都係著到咁既樣」
「真係？」詠兒審犯咁審我
「呃妳托咩」我好心虛咁講。
「叮噹！」
「總之你唔好俾我知你對雪琪唔住！」詠兒講完呢句，就去左開門。
「咦詠兒？終於撞正你無出街啦！」
「哈哈係啊，就黎考試嘛，我唔阻你同呀哥，我入房先！」佢拎起份西多就入左房。
「bb！我好掛住你呀」雪琪衝埋黎攬實我
「我都好掛住你，不如今晚係度訓啊」我突然好怕雪琪會離開我。
「嘻，好啊」
唔得，我唔可以再同ceci咁樣落去。
好辛苦，咁樣不斷講大話真係好辛苦。
我居然不斷利用雪琪同埋詠兒小熙佢地對我既信任。陳靜彤，妳唔值得我為左妳而傷害同雪琪佢地既感情。
未泥足深陷，我仲可以盡快抽身。
「做咩打俾我啊？掛住我？」電話一接通ceci即刻係度發姣。
「我有野要同妳講清楚」我一定要斷絕呢個關係！
「咩事啊，唔通係你想飛左雪琪同我一齊？」佢笑住咁講
「呢件事發生既可能性係零。」我好認真咁講「我諗得好清楚，我唔想再同妳咁樣」
「點解喎，明明你都好開心架」ceci把聲開始著急起上黎「我唔制呀，我鍾意同你做呀」
「夠啦，妳搵個真心愛你既男仔啦好無啊？」
「就算搵到我都唔知係佢咪真心架啦！咁點解唔搵個我真心鍾意既人喎！」
「我有女朋友架啦！我同你無可能一世都係咁架！」
「你同佢分手同我一齊咪得囉！」
「無可能」我斬釘截鐵咁講「我唔會鍾意你架陳靜彤，妳死心啦好無」
「咁點解你唔鍾意我呀？你唔鍾意我你又同我做？上次你又屌我？你又攬我鍚我又咁緊張我？！」
「上次係妳引我，我從來無鍾意過你」我知好傷，但我無辦法。
「唔好啦... 我真係好鍾意你啊嘉浩」ceci開始喊
「妳以後唔好再揾我，反正我地除左有可能reu之外都無需要再私下聯絡。」對女仔既眼淚我可以話係毫無抵抗力，但我知我唔可以心軟。
「點解呀，唔好...」佢未講完我就cut左線。
其實我知我真係好賤格。
當初我就唔應該應承ceci。我當時無考慮過雪琪既感受，佢先係我女朋友啊。
雪琪... 好對唔住...
雖然妳唔知呢啲事發生過，但我真係好後悔。
我望住房間貼滿同雪琪合照既牆，個腦係咁諗起同雪琪係床一齊訓既情景，然後又不斷諗起同ceci係沙發激戰既畫面，個心不期然頂住頂住咁好唔舒服。
我忍唔住入廚房拎左兩罐啤酒出黎自隊。
飲醉就可以忘記呢種內疚。
「條女真係好唔知醜，藍嘉浩你同我醒醒定定啊屌你」
「你仲未玩夠咩？係咪真係要雪琪同你分手你先識醒？」
「你做咩呀，呢排咁怪既，我點會離開你喎」
「叮噹叮噹叮噹！」
門鐘聲將我由夢中拉番去現實。
個頭好暈好暈... 我勉強企起身去開門。我用力擘大眼去望下個鐘，原來已經八點半，應該係詠兒番黎。
我四肢都好似無曬力咁，個頭好重。我feel到自己已經有啲醉醉地，茶几既酒罐跌曬落地。
「嘉浩啊！你唔好唔要我啦」點知一打開門，我眼前係一下攬落黎既ceci。
「係妳？... 妳走開啦」我用盡全身既力想推開佢，但我自己都企得唔係好穩。
「你飲左酒啊？」ceci一路問，同時一路攬得我更實，然後我feel到佢係咁用個胸壓我。
「妳又黎做乜啊」我推佢出門口，但ceci一個快手閂左我道門。
「藍嘉浩你望住我」ceci成塊面哄埋黎，佢今日噴左香水「我唔夠程雪琪索咩？」佢好誘惑咁講，仲要係我耳邊係咁吹氣。
我未黎得切反應，佢已經一下嘴左埋黎，然後推左我落沙發。
「我好鍾意你啊bb」ceci騎左係我身上。
酒精作用之下，我聽到「bb」呢一句，就反射動作攬住ceci黎鍚。
當刻既我將ceci當左係雪琪。
「雪琪，我真係好愛妳，對唔住啊，你唔好離開我」我係ceci耳邊講完，就係咁鍚佢條頸，同時伸手去除左佢上身既衫。