【大學故】《上到大學，原來真係會咩都唔同曬》: 二十二
(二十二)
小熙視覺*
小巴上面，我同呀賢傾緊雪琪生日啲野。就黎開學，而雪琪係九月生日。
「吱～」無啦啦電話響，一睇原來係ocamp個組爸搵我。
「邊個啊？」呀賢係我隔離問。
「無啊，我地個組爸，我話想我幫手今年ocamp喎」我遞左部電話俾佢。
「哦，妳啊，唔好咁搏啊，唔得就唔好夾硬應承啦，知唔知啊」呀賢搭住我膊頭。
「知啦，我ok喎，同埋做幫手好似幾好玩咁」我笑左一笑。
「有邊個啊？」我覆組爸
「嘉浩都去啊，仲有ceci，岩岩問左leo佢話唔得閒，應該都係你地幾個架啦。」
「哦... 好啊無問題。」
「我地後日係嘉浩屋企開會啊，你ok？」
「我得啊，到時見喇。」
「搞咩塞車塞得咁犀利架」呀賢望一望車窗外面，條隧道塞到唔清唔楚咁。
「可能放工時間呢」我話「過埋隧道咪到囉」
今日呀賢叫左我去佢屋企食飯。我同佢拍拖咁耐以黎都無帶過我番去見佢屋企人。
呀賢話過，佢呀爸呀媽離左婚，所以佢都好少見佢阿媽，所以屋企長期得佢一條友。
今次佢話佢呀媽主動叫佢番屋企食飯，佢都諗緊佢係咪帶左嗰個男人番黎。
反正都係，所以佢就打算帶埋我番去。
塞車塞左半個鐘左右，我地終於到。
「好緊張啊」搭緊lift個陣我係咁捉實呀賢「你媽會唔會唔鍾意我架」
「咁可愛既女仔佢點會唔鍾意」呀賢笑左一笑。
「叮噹！」
出黎應門既係一個望落只係三十幾四十歲既女人。
「俊賢」呀賢媽咪笑住咁講「黎啦，入黎先」
一入到佢，就已經見到沙發位有個男人坐左係度。佢一見我地入到黎，就企起身對住我地笑左笑以示友好。
「呢個係... 」呀賢既媽咪未講完，呀賢已經搭嘴「uncle你好，叫我呀賢得啦」
佢媽咪先係呆左一呆，然後隨即露出好欣慰既笑容。
「黎呀小熙，食魚啊，啲魚好新鮮架」
「唔該auntie」
「我地都好耐... 無一齊食飯啦」呀賢媽咪無啦啦好感觸咁話。
我記得之前呀賢同我講過，佢父母離異，所以佢呀媽成日係外面訓，好少番屋企理呀賢。
之前呀賢好憎佢媽咪，因為佢覺得佢老豆不負責任，連佢阿媽都係咁，唔理個屋企，每隔幾日放低啲錢就算，所以佢好憎屋企。
但人越大就會越識諗。直到前兩年，佢已經唔再討厭佢媽咪，其實佢媽咪... 都係受害者，就算要怪，其實都係怪佢老豆。但係又因為大個左，所以難為情唔敢開口叫呀媽多啲番黎屋企。
終於，靠住努力入到大學，呀賢先敢主動搵佢阿媽，用呢個話題做藉口打開話閘子。
而依家既佢，都應該接受左眼前呢個男人。
呀賢既媽咪都好鍾意我，佢仲話，一定要見證住我同呀賢拉埋天窗。
「識到個咁乖咁好既女朋友，真係多得我遺傳啲優良基因俾你咋，如果唔係，人地邊會show你呀」
「你可唔可以唔好咁唔知醜啊媽咪」呀賢笑住咁講
「咁係啊嘛，想當年我十八歲就生左你出黎啦，個陣啊，我不知仲有幾多人追！」
「係啦係啦，你依家都有好多人追添」呀賢話「uncle你真係慘，追到個咁自戀既女人」佢另過去同佢媽個男朋友講。
「丫你個衰仔」
「喂又打我個頭！由細到大都成日拍我個頭」
「係咪唔打得呀，我生出黎架喎！」
呢一餐飯，好開心，好溫馨。
每個人既故事都唔會係完整完美，點都要有啲錯過有啲遺憾先可以成長，先可以令往後既日子過得更加精彩更加完美。
陳俊賢，我地往後既日子一定要一日比一日精彩，知唔知？
*嘉浩視覺
「bb啊，我今日要開會，陪唔到妳啦」我打左俾雪琪。
「唔緊要啊，我都約左班小學同學聚舊」雪琪個邊傳黎紅綠燈既聲音「唱完k去食野，都應該無咁早番！」
「好啦，小心啲啊」我望一望手錶，都差唔多四點幾「佢地都應該差唔多到，岩岩小熙話佢係地鐵站行緊上黎」
「好啦咁，做完野要打俾我呀，byebye」
「叮噹！」
「嘩，好焗啊今日」小熙入到黎就即刻撥左兩下頭髮「佢地仲未到？」
「未啊」我用手示意佢將啲袋啊外套個啲放係沙發。
「係喎今日ceci都會黎啊？」
「係掛，唉佢個日無啦啦又係咁sd啲相過黎，食屎」我本身都猶豫好唔好同小熙講，但把心一橫，都係同佢講好啲。
「咩相啊？」佢好大反應
「咪... j圖囉頂」我都唔好意思開口
「頂，睇過！」
「我del撚曬啦，留黎托咩」我好苦惱咁講
我真係好驚有一日同雪琪一齊緊個陣ceci又搞啲咁既野。但一場同學依家又要一齊做野，block佢又唔係唔block佢又唔係，都唔知點算好。
「條女真係好唔知醜，藍嘉浩你同我醒醒定定啊屌你」小熙一拳打落黎。
「知道啦唉」
「你有無j佢啲相！」
「緊係無啦，b cup點j得落啊... 」
「你又知佢b！姐係你有認真睇啦！」
「我... del個陣望到咋」
呢一刻既小熙簡直審犯咁審我。
「咁你...」
「叮噹！」小熙既聲線俾門鐘聲打斷左，我都隨即走去開門。
「嘉浩！」一打開門就見到呀峰同埋ceci係出面。
「啊今日真係好熱啊」ceci一入到黎就即刻除左件外套，得番個件A&F既透底白色小背心。
「咳... 咁不如我地都開始啦」組爸阿峰唔知係咪見到ceci呢身打扮，所以都即刻回過神來。
「我地今年ocamp都係負責番粉紅組」呀峰將啲資料遞俾我地。
「係啦，不如小熙做組媽啊，佢同嘉浩識得耐啲，應該合拍啲」ceci無啦啦提議
「好啊！你地ok啊嘛？」呀峰即刻話好
我同小熙緊係無問題，所以都點頭示好。只不過有啲奇怪ceci既做法，佢唔係又諗到啲乜啊？
跟住我地都係講下啲分工，諗下game咁。你知啦，年年啲game都差唔多，上網搵都睇到悶啦。
「好攰啊唉」ceci有意無意咁伸左個懶腰。
「嘩原來都成八點幾架啦，我今晚約左人啊」呀峰望一望iphone上面既時間。
「咁啊，不如今日就到呢度啦」我個腦都塞曬。今朝成朝係度溫書，到依家真係無停過咁濟。
「咁我走先啦，再約啊」呀峰講完就起身走人，剩低小熙同埋ceci。
「啊我都約左呀賢啊，要幫佢呀媽搬野，我都走啦嘉浩」小熙打開呀賢個wtsapp然後同我講「ceci一唔一齊？」
「呀我... 我個肚有啲唔舒服，我想借洗手間啊，小熙你趕時間既話你走先啦，我可能今朝食左杯yogurt所以...」ceci一手按住個肚，然後一臉痛苦咁講。
「咁啊，我走先啦」小熙望一望ceci，然後再望住我講。
「小心啲啊妳」我幫佢開門，而ceci就走左入廁所。
「你啊，等陣好拿拿聲使走ceci啊」小熙臨出門口之前細細聲同我講。
「知啦，我諗住等陣叫雪琪上黎啊。」
「係先好講！」
我同小熙講左再見，就諗住打電話俾雪琪。
呢個時候廁所門打番開，ceci走左出黎。
「妳有無事啊？我有藥... 」
「有啊」佢笑住咁行埋黎，仲要行到好似行cat walk咁既款「我唔舒服啊」
「妳... 做乜啊」我不自覺向後退，個腦唔知點解諗番起佢係hall推到我個次。
ceci行到埋黎「依家得番我同你咋，唔洗扮啦」佢好姣咁笑左一笑，然後隻手不斷向下移「我想... 食藥啊」佢講完呢句，隻手亦都停左係我褲頭拉鍊個位。
原來讓小熙做組媽既代價，就係要挑戰我既忍耐力。