🍁那個男人(多甜少咸)🍁: 525 ~ 面書的當年今日

520 --- 我愛你
521 --- 我願意
525 --- ???

5月25日， 4年前是一個任性的開始 ，她在面書上＂全世界也安靜，為了聽我宣佈，從前我最想找的已經遇到。＂
面書上關係的一欄由single改為in relationship with xxxxxx，她面書上的朋友們同事們都紛紛為她LIKE起來，她以為她是真的找到了。
她跟山羊座分開之後，面書多了項當年今日，於是由２０１５年開始面書就不斷提起她倒數著當年今日。
這個＂當年今日＂實在是一項偉大的發明，可以是甜蜜的回憶，更可以是狠狠的提醒，就好像少時被長輩在頭上敲了一個稜角一樣，輕輕的但痛。
她在想，他會記得525嗎？



當然Ｍ是知道她跟山羊座的事。。。。。　
晨咁早Ｍ的來電，Ｍ：喂！出門口未？　她：差唔多，做咩？
Ｍ：八下睇下你出門口未？　她：你好少呢個時候電話到喎？做咩又係屋企打電話俾我？（當然因為她知道Ｍ的狀況，她只需要他在適當時候為她做適當的事）
Ｍ：打得俾你，即是安全！我打黎唔係要令妳擔心。　她：好好好，我有過份焦慮症，活在陰影下，好未？
Ｍ：我剩係知妳緊張我囉！　
（Ｍ就是咁無賴，經常一面稚氣，呢Ｄ都係山羊座身上搵唔到，但Ｍ其實都係一個山羊座男人，兩個山羊座，兩個不同的性格，不同的感覺）
她：你未答我，晨早搵我做咩？
Ｍ：都話睇妳出門口未？　她：而家落樓啦！可以收線啦咁？
Ｍ：妳咪咁對我好唔好？　她：我入電梯。。。咁等條線自己斷啦好未?
當她走出大廈門口，眼前竟然是Ｍ的ＢＭＷ，當然唔少得個車主。


她：你係度好耐？　Ｍ：咪就係打俾你到斷線咁耐囉，上車啦！
她：你做咩走過黎？　Ｍ：等妳囉！無驚喜咩？
她：我好驚喜喎！你見唔到我眼裡頭個份驚喜咩？
Ｍ無打算再討論，一支箭開車。她：去邊呀？唔番工？
M : 處理完妳就一齊番工。她：我有咩要勞動到你個ＣＥＯ處理？
Ｍ：當然有啦！妳所有野都要我去處理。
Ｍ無再回答，專心揸車。而她。。。。碌著手機上的面書，一年一年的當年今日，一幕又一幕混合著=14px曲婉婷的 "Drenched"

When you kissed me on that street, I kissed you back
You held me in your arms, I held you in mine


You picked me up to lay me down
When I look into your eyes
I can hear you cry for a little bit more of you and I
Im drenched in your love
Im no longer able to hold it back

原來不經不覺已經到了山頂，她立時放下對山羊座的狂想，敲一敲頭清醒過來，她：黎呢度晨運？（的確這個時候很多公公婆婆行山休憩）
M：係呀！晨早同你上山頂晨操呀！　她沒好氣把身挨後，舉起雙手投降姿勢：來吧！操吧！
Ｍ：妳以為我唔敢？　她：我一向都無睇少過你呢個男人。
Ｍ拱著她，輕吻了一下：落車，我地坐後座！　她：後座操？
後座Ｍ捉緊她的手：凍唔凍？　她：唔呀！　
Ｍ：同我一齊開唔開心？又或者我有無做到Ｄ令妳唔開心嘅事？
她：無呀！做咩姐？晨早上黎山頂關係檢討？
Ｍ：想妳開心，我話過我會做得比那個山羊座更加好。
Ｍ雙手從後把她緊緊抱著，望住前座的倒後鏡，鏡中是他與她的樣子；


Ｍ：妳睇下，見到我地。　當她凝望住鏡裡頭的他與她時，Ｍ將一個指環穿到她的食指上，
她心裡頭一陣感動，一股暖意湧上心頭：做咩呀你？　Ｍ：想妳記住今日。。。２０１６年５月２５日。
她忽然明白。。。Ｍ一早的來意，就是要她放低那些年的５月２５日。
她按奈著心裡頭一連串的問題，雙手圍著Ｍ的頸項，吻著他：咁耐之前嘅事唔記得啦！
她一邊吻著Ｍ一邊的拎起手機，拍下了。。。。此時此刻。