春嬌與啓宏

拎住部手機望住相入面依個男人，再睇返個堆短訊，個D只係得你同佢會明白嘅密碼，仲有個包煙，自己都開始分唔清究竟係余春嬌定張春嬌;定係余志明？又抑或係張志明呢？

「張志明，一直以嚟我都好努力咁擺脫你，但真係唔Work！最後發覺我已經變左另一個你。」

我承認，放唔低你。

…………

「親愛的，起床了，快吃早餐吧！」好多人都好羨慕我搵到一個火星男，成熟穩重又大方得體，完全冇不良嗜好，如果真係要夾硬比缺點，可以講佢衰在對我太好，份人冇咩點，就係悶左啲羅！同張志明一齊可能每日都充滿新鲜感，火星男永遠比到女人一種安全感。





「咦！今日煮左咩？估下先……」
「太陽雙蛋煎腸仔，附送新鲜澳洲牛奶，對BB有益。」啓宏一邊講一邊斟牛奶，同時切左舊腸仔放入我個口。
「可唔可以唔好咁Dry啊，方生？」
「有左BB要食得健康D。」
「不如落7仔買個波仔肉醬意粉…」未講完已經比啓宏打斷我「即食嘢無益，想食今晚等我煮，便利店又咸又冇益。」
「即食味道同煮家味道唔同喎，就係食佢個噚味精味嘛！」啟宏冇答、鍚左我額頭一下就出左門口返工
。

我一直冇同啓宏講過，係同咗張志明一齊之後先開始鐘意食7仔D肉醬意粉，呢個男人真係影響我好深好深。好多人問我，點解鐘意食？係，佢真係好咸，肉又唔多，鐘意就係鐘意，鐘意佢係因為覺得佢好，乜嘢都好;係，便利店食物係冇益，多味精，每次食完都會飲好多好多水，正正因為咁愛上左依種上癮嘅感覺，每次食完都會念念不忘咁期待下一次。