婚外情

今日我已經結婚十一年，身邊有個老婆，另外有一個情人……
十一年前，我結婚後第三日，公司因為我結婚所以請左一個女同事---w小姐，w當年18歲左右，同佢一齊工作唔多唔少都有接觸， 漸漸w對我有少少好感，但因為我仍然新婚，所以對異性感覺比較弱。有一日，w突然無返工射波，我作為公司主任仔，主動打比佢問咩事，但係都揾佢唔度。第二日，w都係無返工，大家都咕佢唔做，所以就無再揾佢……
一段時間後，我有次收工回家途中，出於好奇想知點解唔做，所以又再打比佢，電話一直打，通了，w把聲好似好累咁，原來昨晚玩完，今朝先瞓，啱啱醒左無耐就比我打電話嘈醒，我問佢為咩事唔做？18歲囡當然鐘意玩啦，原來當日又玩到早上返屋企，之後瞓死左，所以就連工都唔做。
嗰晚我地傾左大約一個鐘，知道佢同男朋友响旺角租屋住，養左一隻狗，之前工作係响樓下附近做樓面，另外更加知道左……佢對我有少少好感。
過左幾日，佢問我借少少錢，我第一時間借左比佢，無問原因，佢話遲啲還比我……(唔緊要，慢慢啦，妳有錢先還比我)，幾日後，我地經常傾電話，講下佢身邊概事，或者宜家返緊咩工咁……我又講下我同老婆概事……有日，我去左旺角揾佢，同佢行左一陣街，之後行左佢旺角屋企，佢原來住旺角唐樓，無，5-6樓左右，一入屋就覺得唔舒服，感覺怪怪，不過無理會，見到佢隻狗仔，可能我唔太喜歡狗，所以停溜左一陣就走了，自己一個行落樓下，唐樓比較黑暗，感覺又怪怪的，都係加快離開算吧……