本我（個人唔太知應該定做咩類型，唯有定其他）: 2

他見我神色有異，馬上開口說：「講下笑啫，坐底啦。」
 我走近坐下，拿出錄音筆，啟動了，問：「你叫咩名？」一個非常直接簡單的開場白。
 「名......名呀......呢度D人經常叫我16211316，某D人就叫我Dr. Pump。」
 「原來如此......」自稱醫生的病人對吧。
 「而你呢......」他補充。
 「我......？」我問。
 「而你應該係個記者下話。」
 「係呀，你點知咖？」
 「首先由你手上既錄音筆，再加上你副眼鏡，仲有你個相機袋，好明顯你係一個記者黎。」
 他的思路相當清晰，看起來並不是瘋瘋癲癲的那種精神病吧。




 「係呢，記者先生你幾多歲？」他問。
 「24......做咩咁問？」
 「我起度諗，我好似都應該有咁大個仔。」他答。
 「你個仔？」我對這方面有點好奇。
 「算啦，唔係重點。你黎係為睇病咖呵？」他問。
 「嗯......係掛。」他真的是精神病，就陪他玩一下醫生遊戲。
 「點呀，見有D咩頭暈身興？」他問。
 「Dr. Pump，我覺得我係一個醫生，但D人唔點都唔信我，我係咪有精神病？」我用他的例子反問他。
 「嗯......首先，你係一個記者，初步估計你應該係有精神病，咁我問Detail少少，黎斷定你係邊一種啦，ok嗎？」
 「好。」




 「你有冇幻聽？」他問。
 這一問令我打了個頓，不禁反問自己，剛剛在的士裡算不算有幻聽？
 「唔算呀，我係真實存在咖。」我四處張望，沒有人。我又聽到了，是剛剛在的士的那一把聲音。
 「冇。」我有點緊張地否認。
 「嗯......你好似有點緊張喎，記者先生。」
 「殺左佢」那道聲音說。
 「咩話？」我聽後驚叫
 「做咩咁激動呀記者先生？」
 「殺左佢，佢知道咖。」
 「唔得咖。」




 「咩唔得呀記者先生？」
 「殺呀！」
 「唔可以呀！」
 氣氛凝結在我的一聲吼叫下，Dr. Pump神色有異，再問：「你腦海係咪有把聲。」
 「唔係呀......」一切發生得太突然，我有點臨近崩潰的狀態。
 「你唔殺呀？」那道聲音問。
 「唔得呀......」我細語。
 「咁我幫你。」
 「下？」