我們怎麼了？: 16
阿斌這樣的一句，令我整個人感覺有如跌入冰窟一樣，一直以為沒有人知道的秘密，原來早就被揭開。
我：「下………」
阿斌：「我冇嘢喎，邊個人冇過去？加上秋凝同我講過，同你一齊兩個星期乜都冇做過，所以我一路都冇講。」
阿斌反過來安慰我的不自然，但我依然感覺自己的兩腮有點發熱，好丟臉。
我：「係呀…但就算係咁，你都唔好一口咬定佢有第二個，不如好好地同佢傾啦。」
阿斌：「諾仔，我唔知秋凝同你過去嘅事，亦都唔知佢喺你心入面到底係一個點嘅女仔，但我自己眼見嘅嘢，我冇可能唔信。
不過你放心，我同佢唔會嘈，我識處理。」
我：「咁好啦…」
阿斌：「好喇，我都訓多一陣。」
「斌呀………」
「嗯？」
「對唔住，我呃咗你…」
「得啦，都話冇嘢，我地兄弟嚟。」
阿斌電話掛斷，但我仍拿著電話放在耳邊繼續發呆，這通電話像一個轉捩點，我知道那個我一直害怕被揭穿的過去原來已經早就不值得害怕。
還有，阿斌和秋凝應該正準備脫勾。
那下一個會和秋凝勾上的，又會是誰？
兩日後，詠莉來了我家，陪我一起上網看學校的資料。
詠莉：「喂，呢間好，我有個同學個阿哥讀呢間，返咗香港搵到份工都幾好。」
「佢搵到份好工同佢讀邊間學校好似冇直接關係喎…」我沒精打彩的說，原因有兩個。
我從來沒有打算去美國，所以我不會為那些我不預計的新生活而感覺到興奮。
第二個原因，是因為秋凝已經兩天沒有給我短訊。
詠莉：「大少，咁間學校個名好啲，出嚟嘅學生都會俾人睇高啲啦。」
「哦。」
詠莉：「喂，你有冇心機睇呀？又叫人上嚟陪你睇資料。」
「咁上嚟都唔一定要上網呀！」我突然跳起來，一手將詠莉抱入懷中，準備向她施襲。
詠莉：「嘩！想死呀？霜姐喺出面呀。」
我：「怕乜！妳覺得佢聽到聲就會用後備門匙走入嚟阻止我地，或者直接報警？」
詠莉：「唔係呀，都唔係太好嘛。」
我：「唔怕啦，我要去美國喇。」
詠莉：「喂，聽講你仲有幾個月先去喎。」
我：「嚟啦！嚟啦！」
詠莉：「唉，好喇好喇，但你有冇…？」
「有有有有有…我上次同祖立去七仔買可樂，特登拎咗盒0.02俾佢幫我俾埋錢，係唔係好醒目？」我開始對詠莉進攻，但詠莉聽到我這樣說卻突然擋住我的手：「下？咁咪即係祖立知道我同你有………」
我：「咁知道有乜咁奇呀？妳覺得佢地會覺得妳係宇宙最後一個處女？」
詠莉：「我係處女佢地有意見咩？」
我：「得喇得喇，下次唔講，我自己買，宜家唔係講嘢嘅時候。」
詠莉：「仲有呀，你一定要用呀，唔好成日借啲意唔用！」
「得！」我摟著詠莉開始展示我雄性的一面，雙手任意游走在詠莉身上同時，她卻依然在自話自說：「一陣唔小心有咗，就好似上次天恩同我講嘅就大件事。」
「做乜？天恩俾人搞大咗呀？」我親吻著詠莉的耳朵問，儘管我對天恩的事不感興趣。
「唔係佢，佢都冇男朋友。」
「咁係邊個？」
「係秋凝呀！」
「得！」我摟著詠莉開始展示我雄性的一面，雙手任意游走在詠莉身上同時，她卻依然在自話自說：「一陣唔小心有咗，就好似上次天恩同我講嘅就大件事。」
「做乜？天恩俾人搞大咗呀？」我親吻著詠莉的耳朵問，儘管我對天恩的事不感興趣。
「唔係佢，佢都冇男朋友。」
「咁係邊個？」
「係秋凝呀！」
詠莉這答案，狠狠的將我心情一次過掃走，我立即停住了動作，但同時我又知道在這個時刻上，我不應該為其他女人的事而停住動作。
但最後我還是停止了自己的需求，因為我已經沒有了需求。
「你做乜嘢呀，突然間變成咁嘅？」詠莉看著我那話兒，有點驚訝的問。
我：「嘩，我突然間胃痛呀…好痛…好痛…」
詠莉：「點解會無端端做緊果啲嘢胃痛？」
我：「係，可能我緊張…」
詠莉：「係咪我有問題呀？」
我：「當然唔係，係我問題…」
詠莉：「唔會嘅，一定係我最近肥咗，你望到就冇哂反應。」
我：「真係唔係…嘩，好痛呀好痛呀，不如妳去拎藥俾我。」
「好好。」
詠莉整理好裝束，走出房間到廚房幫我找藥。而我，在詠莉離開後，再也裝不出其他表情，只是一臉失望地糾結在詠莉告訴我的那個消息中。
秋凝懷孕了？是阿斌的？還是阿斌口中的那個男人？秋凝為什麼沒有跟我提起？她怎會有能力解決這個問題？
詠莉給我拿藥，我襯她沒留意的時候，將藥丟出窗外，然後很沒趣的裝病睡覺。
第二天醒來，一如以往詠莉都不會在我的家過夜。我自己一個人慵懶的在床上廝磨，久久不願起來。
「霜姐！」直到我餓得不能忍受，我才用花耗最少機動力的方法去裹腹。
霜姐聽到我的大叫，緊張的打開大門：「點呀大官？又胃痛呀？」
我：「邊個同妳講？」
霜姐：「詠莉走去話我知叫我睇住你，佢怕你唔舒服，等到差唔多五點鐘我起身去晨運果時先走。」
「個儍妹……霜姐，好肚餓呀，有冇嘢食？」我拍拍額頭，向霜姐撒嬌問。
霜姐：「有烏冬，我煮俾你食。」
我：「快啲呀！餓死我喇！」
霜姐到廚房準備食物時，我走到天堂中解悶，剛上遊戲，就收到蔡卓妍的密語。
蔡卓妍：「諾，我又去咗G4，阿力今日冇落，好悶呀，你嚟唔嚟？」
我：「好，我食埋嘢就嚟。」
收到蔡卓妍的邀請，我趕緊把霜姐送來的烏冬解決，便換衣服到旺角去。跳上計程車，去迎接一個我覺得快樂的約會，的確可以令我得到一剎那的快樂。起碼在這途車程上，就算我一直有想起秋凝的問題，也沒有覺得太難過。
到達旺角，我下車後低著頭在點算司機贖回來的零錢，晃眼間，我在一條後街的入口看見一個熟悉的身形，是秋凝。
我看到有一隻手正拖著秋凝走入那後街，但我看不到那隻手的主人是誰。
我立即拿出電話，撥入阿斌的電話號碼。
「喂？」
「阿斌呀？喺邊呀？」
「我？喺屋企囉。」