我們怎麼了？: 55
三秒後，他再放下手上所有東西，跑進自己的房間，拿出那部陳年的手提電話。在這部電話內保存著的，正是簡仁口中所說的那一堆訊息。
十二年來，謝宣諾已經放棄了維修這部電話的機會，畢竟已經過了不小年頭，有很多事就算你有錢也不一定可以勉強得了。不過被簡仁這麼的一說，謝宣諾又心存僥倖的去試一下那個開關，最後當然是不得要領。
「點算…？」謝宣諾皺起眉頭一直拿著那手機，然後決定找一個幫手。
「喂，祖立，唔好意思咁夜打俾你，我想問宜家香港整手提電話去邊最好？」謝宣諾實在太心急，所以立即打電話給祖立。
「電話呀…先達囉，再唔係鴨寮街，果班人好似就算壞嘅都可以整到開到幾分鐘機，你要整乜嘢電話？宜家電訊公司你肯簽約佢就送部新俾你，使咩整呀？」祖立睡眼惺忪的問
「我想整返部舊電話之嘛。」
「有幾舊呀？」
「咪去泰國之前果部…」
「去泰國前？部嘢咪十幾年？整嚟做乜呀？」祖立驚訝的大叫，這時旁邊立即傳來秋凝的責鬧：「喂，俾個喇叭你好唔好呀？個女訓著咗呀，同邊個傾電話呀咁夜？」
「對唔住對唔住我細聲啲，諾仔囉，問我邊度有地方可以整佢去泰國之前果部電話，我咪叫佢買部新仲好…」祖立向秋凝緊張的解釋。
謝宣諾：「我知喇，祖立你訓啦，唔係一陣秋凝又鬧你。」
「好，你再有乜嘢唔知就打俾我，你返香港冇幾耐好多嘢都唔知，有咩隨便問我。」
「知喇，唔該哂。」祖立的回覆，令謝宣諾心暖。其實這一次回來，他對祖立這個朋友有很大的驚訝，因為從前那個桀驁不馴又帶點囂張的祖立早已消失得無影無蹤，換來的，是一個愛家庭愛妻女的溫馴男人。
不過這感覺謝宣諾自己很明白，男人當了爸爸之後的蛻變，他自己也很了解。
折騰一番之後，最後也是找不到任何眉目去解決這問題，謝宣諾覺得有點氣餒，最後選擇先入睡。隨著年紀長大，他知道世界上所有事都有次序和緣份，就算你要強求也強求不了。
不過柳暗花明，又可能是另一個新希望的開始。
第二天，謝宣諾一大清早便收到一個電話，是秋凝撥來的。
「諾仔，你點解要整返個電話？」秋凝不拐圈子，很清晰的問謝宣諾。爽快的問題沒有浪費，她很公平的換來謝宣諾最直接的答案：
「簡仁同我講咗，當年詠莉有留訊息俾我，我想知道係乜嘢。」
秋凝：「知道做乜？我聽詠莉講你連小朋友都有埋，你仲要聽返咁多年前嘅嘢做乜？」
謝宣諾：「我好想知，詠莉咁多年到底係點過。」
秋凝：「點解想知？」
「點解……？我唔知…」秋凝的問題，停住了謝宣諾。」
秋凝：「我打電話俾你，就係想喺你意圖再探索詠莉咁多年嘅生活之前，好好叫你諗一下，點解你會想知佢嘅過去？係好奇定係其他原因都好，你都要諗清楚。
如果係好奇，我會建議你唔好再問；但如果係其他原因，你就要有心理準備。」
「乜嘢心理準備？」謝宣諾被秋凝的說話唬住
秋凝：「點解你唔會奇怪，我同詠莉會咁好朋友？」
秋凝跟謝宣諾說出這個問題，謝宣諾立即將回憶調教到離開香港之前。他記起了，那個晚上，自己對秋凝的事情東窗事發，大伙兒把自己罵個狗血淋頭，不是不是，應該是再前一點，記起了…
詠莉是知道我對秋凝有意思，而東窗事發的事也應該很快會溜進詠莉的耳朵。按道理，詠莉沒有可以會跟秋凝做得了好朋友。
謝宣諾：「我記得，果晚我同建倫祖立佢地嘈交，因為………咁點解妳地兩個宜家會咁好朋友？」
秋凝：「因為發生過一啲事，令到我同詠莉嘅感情變得好好，一直保持到宜家；而另一方便簡仁同詠莉嘅感情亦都好好，所以每次講起詠莉，簡仁對你嘅態度你都覺得好古怪。」
秋凝完全說中了謝宣諾的迷團，簡仁在離開詠莉的範圍下，的確是對自己的態度比較正常。想到這，謝宣諾再繼續問：「咁到底係發生咗乜嘢事？」
「我應承過詠莉，唔講得。」跟簡仁一致的口徑
謝宣諾隔著電話也難掩那副失望的表情，難得快要問過水落石出，秋凝又變回了特務一般對事情隻字不提。
秋凝：「如果你整得返部電話，就自然會知，好喇，我要帶端麗返學，你自己搵方法喇。」
「秋凝，唔該哂妳。」謝宣諾的說
「你記得，如果只係為好奇，就不如以後都唔好知。其實有好多嘢，你自己本身就要記實，拜拜。」
掛線後，謝宣諾沒有浪費時間，換過衣服之後立即跑到先達廣場，希望可以把那部手提電話救活。
「嘩，哥仔，你呢部電話就算唔使錢送俾我，我拎去印度都未必有人要啦，整嚟做乜呀？」
「唔好理啦，多多錢我都整，我要睇返入面嘅訊息。」
「我盡人士啦，不過講明先，唔一定救到。」
「知道，呢個我電話，你有消息就打俾我。」
走出先達廣場，謝宣諾心情依然五味紛陳，一直漫無目的走到信和商場的地牢，在那些賣舊唱片的商店中穿梭。
忽然，他聽到了一首很耳熟的歌。
「或者，無數樣問題，
代表，和你未徹底，
或者，情深得不見底…」
「首歌咁熟嘅？」他停下腳步，想了又想，對了，這是詠莉手提電話的鈴聲，難怪這麼耳熟。然後他再細想，耳熟的感覺好像又不是來自最近，是來自很久之前的事情。
這到底是什麼歌？我記得是王菲的歌，到底是什麼歌？
他想了很久……
對喇，我想到了，這是首歌王菲唱的「或者」，收錄在那一張叫Di Dar的唱片。是我第一次約會詠莉時，用來當約會藉口的道具。