一場十年的夢。: 偶遇

連日公事繁忙，又被濕尻同事針對，好柒煩，所以無重新到。今日重新啟動。
因為呢個係我積壓多年嘅故事，所以絕不棄故！

勞碌嘅預科生活，
除咗返學、測驗、考試，就係瘋狂溫書同補習。
 
嗰時我完全忘記呀倩。
又或者係我以為我完全忘記咗佢。
直至有一日我去補習嘅途中，
再遇到佢。




 
夜晚七點幾，
我咩住個斜咩袋，頭髮凌亂咁狗衝去補習社。
穿過大型商場嘅途中，
我遇上佢……
著仲藍色橫間嘅白色T-SHIRT加條普通嘅牛仔褲，
即使係隨街都見到嘅裝束，
我下意識認出佢。
 
佢比起以前清減咗少許，




但係人海中我仍然能夠識出佢。
 
當刻我腦出現｢轟｣一聲，
眼球發脹、心跳、面紅……
完全係呆咗係度。
 
可惜佢無見到我，
好快就又再消失係人群，
就好似當年咁，
無影無蹤。




 
一身頹然。
唔單只係指我一身打扮，
亦指我重遇佢嘅心情都感覺。
 
返到屋止，望住天花。
我發現心裡面多咗少許野。
正確少少嚟講，係發現
原來一早已經多咗少少野。
 
但極忙嘅預科生活唔容許我有太多多餘想法，
即使有時都會想再見返佢，
打後每次差唔多到相遇位置都不期然咁想再見到佢，
但除此而外都無其餘諗法。
 




又其實，佢根本一早忘記咗我。