一場十年的夢。: 災後

嗰日放學，我邊度都無去，好早返咗屋企。
女友比人搞，無想象中咁痛。
當然，只係因為當年仲細唔識諗。
依家？！呀叔流哂口水咁望我條女對腳我都想插撚盲哂佢地！
 
年少時候無知，
但同時好多事，好多時，都比成長後簡單直接。
 
攤係床上面，望住天花。
從來都唔覺得個天花咁陌生，




原來房嗰支燈係panasonic，
原來間房道牆D油無油好。
 
諗咗成晚，個結論係：
我依然愛佢。
 
第二朝返到學校，集會前我去搵橦桐。
佢一手拎住小食部買嘅餐蛋治，一手拎住盒維他朱奶。
望住佢，好天真無邪嘅笑容，
露出兩隻虎牙，對眼半月彎咁充滿笑意。




好難想像佢最近比人搞過、想跟大佬、食煙……
 
｢食唔食啖呀？｣佢甜笑住遞個咬咗啖嘅三文治比我。
我接咗嚟咬左幾啖就比返佢。
 
接下來嗰幾日我都無上佢屋企，
與其話我唔再鍾意佢，
不如話我唔知點面對佢。
大概一個禮拜之後佢話今日屋企無人，叫我放學上去。
 




我地坐係廳嘅梳化，我攬住佢條腰。
佢係有食煙，但除咗生日嗰日之外無係我面前食過，
身上亦從來都無煙味，只有佢嘅體香。
坐咗陣佢訓咗係我大髀上面，
好似一隻貓咁。
咁樣嘅生活同相處係我夢寐以求。
我唔要求可歌可泣，只想細水長流。
 
吽咗一陣，突然有人打比我。
｢喂，係咪呀持呀？｣一個陌生電話打比我。
｢你係邊個？｣
｢呀鬼。｣
｢點解你有我電話？｣
一個比帽你戴嘅人打比你，仲會有咩好野。
｢無，想話D野比你知啫。｣




｢哦？係咩？咩事呀？｣我盡量克制自己，唔好有任何語氣。
 
一邊講，我一邊行近窗門，唔想比橦桐知咩事。
｢我同橦桐扑過喎，你知唔知呀？｣
｢我知。｣
｢係咩？幾時呀？｣
｢重要咩？｣
｢嘿嘿……咁你諗住點呀？｣
｢有咩好點呀，咪咁囉。｣
係呢個時候橦桐行咗埋嚟從後抱住我。
｢咁無野啦，有機會再傾啦。｣
｢好。係咁。｣
 
橦桐問我咩事，我無答佢。
兩個人企係窗邊，望住樓下馬路嘅車來來往往。