一場十年的夢。: 沒有說再見的再見

打後無如我所願地因為咁而距離有所拉近。
接下來嘅一個見我地如常咁係朝早對望，又如常咁一前一後返學。
一唔明白一個女仔點解可以係見到對方一次之後就示愛，
更唔同點解之此以後可以當無事發生過一樣。
只知道，我真係鍾意咗佢。
 
鍾意，係種感覺。
可以毫無理由，毫不理性。
就算係有理由，根本就唔重要，因為一切都只係一種感覺，一種心跳。
可惜嘅係，｢鍾意｣係好個人嘅感覺，好難會影響到、感動到對方。




 
唔知點解，從一月尾左右開始，佢無再係我嗰卡出現。
好唔自在，就好似毒癮起咁，
我不停四處張望，都見唔到佢。
後來我甚至試下去唔到嘅車卡搵佢，但都搵佢唔到。
 
直至有一個，我係佢課室嗰層見到佢，
見到佢同一個米八幾嘅男仔痴得好埋咁行，
我就知道咩事。
由見到嗰刻開始，我心死咗，




儘管佢仍然係民安隊解散後同我地四人行。
我接受唔到見住佢，所以好快我就選擇一個人走。
 
JOHN哥見我咁奇怪都忍唔住問
｢乜你唔係同呀倩一齊架咩，點解有日我見到佢同個男仔拖哂手咁係附近行嘅？｣
我無答佢，只係扯開話題。
 
中二好快就完，中三好快又開始。
佢無再玩民安隊。
其實都不出所料，我係佢身上見唔到佢對呢個團隊嘅熱情。




走，只係時間問題。
都好，只少我係度唔會唔自在。