(新手上路)唔好收好人卡就以為自己係好人: 無知(一)

兵？這個問題我可沒想過，是我太無知嗎？

慧秋的話牽繫愁緒，猶似向日葵沒見到天明的日，我就在灰陰雲海下七點半回到學校，這時蓁蓁尚未上學，背包放不下就坐在阿俊旁邊。

｢其實蓁蓁似唔似收我做兵呀？｣

｢你介意做兵？｣

｢其實我只係介意佢唔鍾意我。｣





｢嘻，驚咩呀，人哋收兵都唔揀你啦，佢咁多選擇。｣阿俊笑着說，他是說玩笑的，只是到我耳中，入我心裏以後可不是味兒。

｢喂，呀賢，出嚟做呢條數。｣古龍看人很有一手。

我慢慢越過三行座位，步步前行那深沉黑板，手執一支粉筆硬是解着二元一次方程，無奈那是觸不到 y=0，無知計算機可得不出答案。

我解完以後，古龍拍一拍我的肩膀，細細聲說…

｢喂，你今日冇事吖嘛？｣





｢冇事嘅。｣

我回座位以後，繼續托着頭，呆坐楞面，一直到午膳，似是無聊，其實是無奈。

一行人走到大XX，吃個三十元的粟米肉粒飯，我一時記起阿澤跟阿怡還挺熟的。

｢呀澤，其實呀怡份人點架？｣

｢乜你想hehe 咩？佢唔係囡我無乜留意喎。｣





他能認真一下嗎？尤其在這個時候。

｢佢咪一個正常精英班人，成績 OK，鍾意打排球，同啲女仔一般都幾好傾嘅，重要嘅係佢同蓁蓁好似幾夾行得幾埋，可能好快出 pool掛我諗。｣

｢吓，唔會嘅，蓁蓁話對佢無嘢嘅。｣

｢吓，你又知？不過唔緊要啦，人哋比你好都冇囡，你乖乖一齊做個毒咪算囉。｣

我明明就不太差，怎麼就没優點人家會看上呢？還記得中文老師讀我的隨筆後也忍不住手留下對我的評價……

我認為你是個頗具思想的年輕人，只是平時玩樂嬉戲的態度蓋過內涵，你的思辯能力是成就未來傑出人才的關鍵。單憑你的行為不易察看你的睿智真誠，就是不太認真、有點孩子氣，不過你能有一顆赤子心，也是種幸福。

我就不相信自己是個零，怎麼說也考個中文全級頭十、橋牌隊隊長還拿過全港學界第四、在校沒與一個老師不友好、讀書多年循規蹈矩、晚晚準時九點半就睡、平時愛看陶傑先生、金庸先生。沒有甚麼努力是不成的，於是我痴了根，把心一横決定約蓁蓁看電影。

｢星期日得閑？不如一齊去睇戲吖｣





｢好呀｣

｢咁我去買飛吖｣

｢唔好住，我問下呀怡先｣

｢吓，又關佢事？｣