(新手上路)唔好收好人卡就以為自己係好人: 矛盾(一)

今日的雨下得有點大，平常我都不會怎麼樣，然而一想便想到你就在點滴滂沱中離去。

「呀賢呀，你覺得蓁蓁點呀？」

「好女仔吖，做咩？想追人？」真希望他答我不是。

「冇呀，我覺得佢幾好，短短馬尾，向右斜陰，戴上一副黑色幼身方型大框眼鏡，右邊臉一粒小酒窩，帶種清爽嘅感覺，雖然我從未同佢傾計，但已經被佢吸引住。我每堂中史都忍唔住擰住面偷望 」

「hahaa，痴線佬。｣真似我以前。





｢咁你諗住點追佢？你哋都唔識。｣

｢我已經攞咗佢電話啦！前幾日，我直接行過去問佢電話，佢有啲不知所措，開頭仲以為我想要清雪電話添，之後我同佢講『唔係呀，我淨係想要你電話乍』，佢發咗一下呆，然後就俾咗電話我。我諗佢俾得電話我，應該對我都有啲意思掛。｣

我想蓁蓁是被你嚇壞罷了，哪有人這麼直接？尤其中學時期大家都對愛情有着美麗幻想-在梧桐樹下兩個人不小心的碰到，男生蹲下來為女生收拾掉下的書本，女生說聲謝謝以後腼腆走開，男生看那漸遠去的身影而着迷，女生為那只一眼的面容而思想，然後在某個轉角，兩人再次相遇邂逅開始彼此的故事。真的不是直接問人家電話號碼。

｢你想點就點啦，唔通我叫你唔好追就唔追咩？做得朋友實撐你嘅。｣

滴答…滴答…外面下起了雨，伴我入眠，但我也不知自己是清醒還是做夢，竟想到了事情……





｢喂，蓁蓁，『跑跑薑餅人』出咗新嘢喎，睇下今次邊個高分啲。｣

｢唔啦，我今日要同呀文出街呀。｣

｢喂，今日落雨喎，記得擔遮呀。｣

｢Hahaa，放心啦，呀文會遮我架啦。｣

然後我就站在學校門口，街燈光柱罩下來，水珠一點一滴的打在我臉，我手中握着傘也忘了打開，只看阿文撑起傘，而你的手在他手裏，一步一步的走遠……





我没有出聲，也出不了聲。幸好只是我太幻想而已。

到我下床的時候，身體還是累得很，看一下鐘，此時不過三點，但我没了睡意，走到了廚房煮一個公仔麵，聽着雨打，眼光光等天光，手還是忍不住在手機滑到了蓁蓁的對話框。

｢你對阿文冇嘢架可？｣