(新手上路)唔好收好人卡就以為自己係好人: 疑問

怎麼我那麼多疑問？以前也不發現。

小息的時候，像我這樣的男生就只愛圍在一起縮在班房一角。

「點解我哋咁樣匿喺度？」

「因為我哋係毒囉，咁簡單！」阿俊還是反應迅速。

「妖！明明你就脫咗毒！唉，點解我咁毒架？」





「你天生個樣係咁就係咁架啦，your face your fate。」

「會唔會我副眼鏡出問題呀？」

「唔關事，你個樣問題。」

「會唔會我髮型累事呀？」

「唔關事，你個樣問題。」





「會唔會我講嘢唔夠幽默呀？」

「唔關事，你個樣問題。」

「妖！點解你係咁針對我個樣姐？」

「咁點解你無啦啦做咩在意自己形象毒吖？」

我沒有回答，默了，也靜了，轉過頭來，看蓁蓁位子，她是滑着手機。玩跑跑薑餅人嗎？可我並沒收到訊息。





到底在幹甚麼呢？過了陣子，她放下手機，走出了班房，往後梯過去-是個和女廁相反的方向，到底哪處才是她想的地方？

又一會兒，她是和清雪、詩詩(鄰班一個和蓁蓁認識三年、很友好的女生)一起走在走廊上，談談話，說說笑，我竟不自覺的呼了口氣。突然，一個男生跑來，拍一下蓁蓁右肩，閃到蓁蓁左邊，蓁蓁似是罵了一下，卻是笑得燦爛......

「果個邊個黎？」我指出窗外。

「邊個邊個？女呀？」阿澤也是反應迅速。

「唔係呀，蓁蓁隔離果個男仔邊個黎？」

「果個咪阿怡囉，聽講佢最近追緊蓁蓁吖嘛。」

「吓？」就只得我是遲鈍了......