[甜帶人生道理]《不再是毒撚》

《不再是毒撚》
第一章----升上中學
第一回
我叫吖神，我住係屯門，
我打梗波個陣係日頭，打梗機個陣係夜晚。
無錯！我係一個死毒撚。
雖然我係一個毒撚，
但係我比同年嘅男仔成熟。

每年嘅9月1日都會發生一場悲劇-----開學日。


可能一啲升上中學嘅學生會充滿住期望。
而我只係對依件事懷著傷感。
因為無一個小學男同學同我升上同一間中學。
而只有一班見都唔想見嘅小學女同學。
絲打:依班女一定好撚樣衰！
其實樣又唔係幾衰，只係覺得佢地麻煩姐。

為左第一日唔好遲到，吖媽一早已經送到我翻學校。
8點打鐘，7點20分已經企左係canteen到。
點解要企？因為我細膽，連坐都唔夠膽坐。


於是我就on99咁企係到望住地下 。

上到課室，面對住一班矮過我嘅同學。
全部都素不相識。

突然從後有把聲“Hi,我叫余汶樂。”
“下？打過nba個個余文樂？”
“我係余“文”樂吖“文”質彬彬個”文”。”
“我叫吖神。”
“我地做個朋友吖”



從個日開始，余汶樂成為我第一個朋友，我同余汶樂嘅友情與日俱增，佢仲介紹左同我地同班嘅幾個朋友比我識。
我嘅中學生涯開始有翻啲色彩。

係依個時代，年青人除左打online games之外，挽facebook就係佢地日常嘅行政。
而我都唔例外“喂！余汶樂，你fb係咩？”
余汶樂即刻開佢fb比我睇“咪依個囉on9仔！”
開學唔夠一個星期，我同余汶樂已經熟到用粗口黎溝通。

加左余汶樂fb之後，當然加埋其同級嘅同學啦
“依個邊個黎架？”
“海倫囉！佢都幾靚架，只不過……佢係飛機場。”
我無理會到余汶樂話佢有幾平，我只係比佢個樣吸引住。
中意左佢？我只係都分唔清楚。



雖然我係一個毒撚，但係我小學都拍過二次有名無份嘅拖。
點解係有名無份？因為個二次拍拖，莫講錫啦，連手仔都未掂過。

對我黎講追女仔根本就唔難(可能我比同年嘅男仔高好多啦)，
最難嘅係每次同女仔單獨相處都好緊張好驚好怕羞，唔知點同佢地相處。
可能女人真係全世界最難溝通嘅哺乳類動物。
但依一刻我知道，海倫係我中學生涯第一個目標。