富家子弟也溝女: 第二章
今日係星期五, 我又約左阿健去網球場打網球
"阿浩, 你真係黑仔 同暴力女柛一齊搞 Christmas Party" 阿健突然對住我大嗌
"頂! 都唔知譚Sir點解咁安排"
"算啦, 呢D歷練黎架 加油啦!"
又係呢句嘅...
就係我地休息緊個陣, 我部電話響 我開左免提聽
"喂 請問邊位?"
"廢柴 Christmas Party D野食同野飲唔駛買啊? 本小姐依家係三田 個半鐘之內一定要到 如果遲到嘅話, 本小姐都介意將你D手腳整斷 攞去餵貓狗 係咁!"
仆你個街吖 咁Q大口氣? 唔俾一個深刻既教訓你, 我跟你姓!!
最後我都無遲到, 買下呢樣, 買下個樣 搞搞下都7點15 雖然唔想, 但係都係同佢講左聲Bye Bye
11:30
搞掂曬D所有功課, 我立即投入LOL嘅世界
"頂! 阿健你又死 都叫左你唔好衝咁前架啦 你究竟識唔識挽魔甘娜架" 我對住電話大嗌
"我錯我錯 By the way 阿浩你依家都未走出果個陰影啊? 中六啦 再唔出手溝女` 冇架喇"
"冇! 亦唔會! 我個心被冰封左 呢一生一世都唔會解封!!!!"
"其實件事唔係你既錯 你唔需要咁架 個件事係意外 冇人想架"
"收聲!!!!!! 叫左你唔可以再提架嘛 件事係我錯 如果因為我 佢就唔會出事 你明唔明呀!" 我講完之後就cut 左佢線
之後我愈打愈無心情 索性AFK 跟住訓係床到發呆
衣個時候 阿媽行左入黎
"健 你阿爸個老死陳Uncle間公司成立十週年 下星期六晩會搞宴會 你一定要出席 我幫你買埋西裝喇"
西裝都買埋 睇黎我冇借口拒絕 我只好應承
但我諗唔到係個宴會上, 竟然俾我發現左個驚天大秘密