（新手故）《我呢世人最憎貓》: 《我呢世人最憎貓！》三。你好，喵星人2

 
 
Dave、黑妹、我三個圍住手術台望住貓咪，
呢隻貓貓是隻黑色短毛貓，左眼是清澈明亮的湖水綠，左眼卻是湛藍色的。在手術台的燈光底下，映照著的是兩眼透光的，像個無辜小孩一樣，又像《史力加》中隻成日好鐘意扮可憐既穿靴貓。
外形肥肥的，貓肚好大。英國短毛貓俾我感覺就係佢地既品性係較溫和，相對其他無咁串。
 
你係流浪貓？佢既過去係點既您？喵喵喵……
以前接觸既流浪貓多係比較兇，會擺個勢出嚟，因流浪貓係街頭成日要爭野食呀地盤呀……爪光牙影再所難免，佢地對「外人」多有一份距離…而佢地既反感顯出佢地長期精神緊張，會怕比人攻撃，即使品性善良都會兇咗先嚟保護自己，明顯佢地係恐懼先會咁…但呢隻貓咪好唔同。
 
加上，流浪狗仔好可能係走失，主人搵唔到，又或者真係想拋棄佢……但流浪貓？十隻有九隻都係9 成9俾人拋棄，貓貓都唔洗出街，唔見同走失既機率比起狗仔細好多…所以俾人拋棄既動物多會有距離感…但呢隻貓咪好唔同




 
佢真好係鬼嗲，係咪貓貓發春期呢？
 
黑妹同佢玩得好開心。
 
貓貓無晶片，Dr.Dave又話佢留意過附近都無尋貓啟事……Dave話留多隻貓貓係到一個星期到，再作打算……
 
而呢份工都ok好做既，搞下booking打下電話基本清潔呀，有時要照顧下d貓咪狗仔兔仔咁囉，對鐘意動物既人嚟講都幾開心既。
 
題外話啦，有人話鐘意狗係鐘意被愛，而鐘意貓呢就係鍾意去愛人； 我唔知呢個係真定假啦 ，總知呢個講法套係我身上係好岩既。自問我唔太識去俾人鍾意，反而自己有能力去照顧人會覺得好有滿足惑。有時見到黑妹個樣，本身黑妹都95分，女仔有愛心真係加多5分J




 
有日放左工， 雖然七點，[突發！]黑妹竟主動約我食糖水，平時多係我約佢。可能係佢新part-time第一個星期好滿意掛？我相信近水樓台先得月，同佢一齊番學放學食lunch番工放工食dinner……d schedule差唔多一樣咁制……
 
黑妹：羅柏霖呀……
我：做咩…做乜響我全朵呀杜嘉婷！
黑妹：我今日同Dr Dave傾過呀……我同佢講我會收養嘿嘿呀……
我：嘿嘿？隻流浪貓？幾時幫佢改咗名咖您……您點得呀，我地住hall咖…您放係屋企養？如果您可以養您就唔會去Spca到做義工啦！………
 

我講咗一堆教訓黑妹，佢成日都係咁，女人係咁真係咁唔唸後果做野？雖然話女人唸野做野都係感性行先，但keep住個理性都好緊要咖吓話？？？！




黑妹低著頭……想喊想喊咁d眼淚又吊係個眼框到個嘴又欲言又止咁確是惹人憐愛……我都停左教訓佢
 
我：咁……您宜家打算點？不如您同番dave講您唔收養得啦
黑妹：咁可以點呀？Dave話送佢去spca呀……您又唔係唔知……送到去……過多排無人認……就咩咖啦嘛……以後就無得見咖啦
我：咁一句講晒，您宜家打算點？
黑妹沉默左幾秒…
好快咁講左一句
 
黑妹：我想您幫我養嘿嘿！
 
我深知今晚黑妹約我食糖水，剛才所有既開場白都係為左呢一句、呢個目的……識左佢咁耐 ，呢個傻婆真係唔傻呀吓……
 
正所謂「賣仔勿摸頭 摸頭眼淚流」……雖則隻貓唔係BB，黑妹睇住佢出世既呀媽…
但個女人連個名都幫隻貓改埋，
我都鐘意貓，但我地住hall，佢屋企人又唔鐘意動物……唔通我顛到拎隻貓番屋企要我屋企人照顧？？離晒大嫂咖wo……




 
我無講野，望住碗蕃薯糖水……我真係成個蕃薯咁……
 
黑妹：我會出錢咖！所有有關嘿嘿既洗費我都會出咖！
 
唉……我想養貓好耐……但我既人生既Planing係出咗嚟做野，有自己屋，有老婆有一隻貓，有一個仔呀嘛……宜家呢個咁既情況……講得衰d我下年先廿歲，又無獨立經濟能力，平時住hall洗衫呀執房果d都懶到一個極點啦，仲要照顧嘿嘿？……
 
我：養動物係一世咖wo，嘿嘿已經俾人拋棄過一次，如果我地養唔掂點？又拋棄佢？好多動物都好不幸要俾人「人道」，但有時，我地無能力去阻止咖嘛……
 
黑妹又唔出聲，平時見開佢笑面迎人，宜家真係好唔慣……
嗰晚我地轉咗其他話題…講關於功課既，講關於工作既……無再提嘿嘿
 
其實嗰晚我認我係有少少心軟……我好似好冷血咁，明知一隻貓咪要去送死，而自己鍾意既女仔又好鐘意隻貓……
但可以點？？嗰晚之後，見到佢強顏歡笑，一番到診所就同嘿嘿玩，抱住佢……
 




DAVE話聽日就要帶嘿嘿去spca…黑妹聽到呢到……佢無喊，但我知佢好唔開心，佢同Dave請一日假，話music soc有野做……但我知道呢個都唔係主因，主因係佢唔想面對聽日，唔想面對離別時刻…個傻妹就係咁…乜都放晒上臉，好易睇得穿…
 
我可以點？我可以點？爽快d啦羅柏霖！！！！！！




（sorry出文有點慢：（）