（新手故）《我呢世人最憎貓》: 《我呢世人最憎貓》一。遇見黑妹

介紹下我先啦，我叫羅柏霖，今年22，讀緊動物護理，係一間獸醫診所做緊實習獸醫護士，搵幾多？比上不足，比下有餘啦。係同行嚟講我，都算唔錯既～我覺得人唔需要好有錢，養得起自己同屋企人咪ok囉～比錢屋企人可以好似我細路嗰陣問佢地拎錢學野同埋交學費咁爽快既話呢，良心就都過意得去啦。199，sorry～
 
「我呢世人最憎貓！」沒想到這句話會從我口中說出，因我由細到大都最鐘意貓。這句話不是衝口而出，係 我真心覺得前世同d貓有仇，可能前世d貓係老鼠、我係d貓捉晒佢地食晒佢地，佢地宜家番嚟報仇。
 
黑夜中的街角，牠凝視著您，別要看牠的雙眼！牠們是邪惡的化身。
 
我唔係想醜化貓，但經過嗰仵事之後…………
 
 
一直我都覺得喵喵係神秘既化身，喵星人總是愛活著自己世界，呢點好似我。我享受一個人既世界，唔鍾意比人打擾，除非我鐘意嗰個人。可能因為我呢個性格，所以我中學都無乜朋友，見到一大堆MK同學圍威喂咁放學去公園食煙吹水，我都唔會跟去，當然佢地都無邀請我啦哈哈。




 
 
唯一一個朋友就係張景軒啦 ((到宜家仲Keep緊呢段友誼))，佢同我好唔一樣，好多野講、好多朋友，次次同佢一齊，佢都好似開左自動吹水機咁，係咁講野。開始我覺得佢好煩，但發現佢都係同我一樣好鍾意動物，但係住屋村根本唔可以養寵物。呢個共同話題同背景差唔多，令我地更加friend、更多野講。
 
 
而我媽是個全職的家庭主婦，有時會抄下散咁，有時又會做下義工。我呀媽真係一等一既好女人，持家有道，又有愛心。可惜老豆成日係大陸工作，總覺得老豆係上高玩女人，唔知係咪睇得電影多又聽得d 人講「叫雞上大陸，唔驚會生梅毒。」，其實我無乜證據比我知道既，只不過係直覺。我成日比人話唔岩做理科工作，因為真正識我既人，都知我感性＞理性， 即使我覺得我扮得幾理性都好。

考完會考既暑假， 我就同張景軒去左Spca報名做義工。兩個男仔，一個想養貓、一個想養狗，屋企又唔養得。
 
一開始就聽下talk呀，有d類似簡介會既。我地去左，填埋form，過左幾日就打左支疫苗 。我地有時洗下狗籠、帶d狗仔去散下步，幾寫意。張景軒就好開心，而我都ok既，不過我就想接觸下d貓貓，但仲未有機會有類似既活動係關於貓既。




 
 
係嗰到識左一個女仔，佢叫杜嘉婷，係個混血兒，媽媽係泰國人。性格好爽！我唸宜家好小女仔做義工係無機心，好多做義工嗰d郁d就話辛苦、又話曬，一係就為左嗰d其他學習經歷而去做，一係就做完義工即刻post相上Facebook話自己幾有幾有愛心咁，有d直程「彩您都傻，白天鵝！」，唔收錢服侍人or狗？三狗唔識柒，點解要幫？……
 
但佢唔會！佢一d港女feel都無。佢眼大大，梨花頭。大概159cm到，我高佢一個半頭，身材唔叫出眾， 雖則佢皮膚有d黑。成日著褲，未見過佢著裙～可能係做義工著褲方便d掛？ 但笑起上嚟仍係好pure，好true！我同張景軒成日笑佢～又叫佢黑妹，佢都唔介意。
 
 
 
嗰三個月暑假，係我中學生捱過得最開心既，番下part－time，放假就去Spca，探下d狗仔，又同佢地玩下。而且又見到黑妹，黑妹黑妹黑妹成個腦都係佢，好鐘意佢叫我「Berlin，Berlin」～見到佢個笑樣，就乜野煩惱都無晒，我唔知佢覺得我點呢？傻仔一個？呢種十月芥菜既心境，我未試過，係第一次咁，呢d可能叫戀愛呀～傻仔，呢d叫單機暗戀渣！………