不甘受miss謾罵而……: 扑miss1

「你！陣間放學留係到唔準走。」Miss Law 一入班房，

就係全班面前指住我咁講，令我抱住擔驚受怕既心情上完成堂。

落堂鐘聲一響，我就俾佢叫左我埋去佢身邊，

佢攞住我份作文文件夾，一邊揭，一邊鬧，

「你依家交份咩野俾我，十份作文你交出黎果十份都未改好正俾我，



乜家下我好得閒日日追你功課呀，其實你到底係咪唔想讀落去？」

佢用凌厲既眼神掘住我,我無言以對,果日收作文文件夾我的確無檢査過裏面洗唔洗改正,

只係求其快快手交出去,而Miss Law見我唔出聲,當然乘勝追撃,

大大力將我份作文文件夾用力扔落地下，以表達佢對我無做改正既憤怒。

「你既然唔想讀，你仲交份垃圾俾我做咩呀，你當我係你工人呀!」



我為左掩飾心入面果份浮躁，唯有勉強擠出苦笑應對,

試圖化解這沉默既氣團。然而咁做無減輕佢對我既不滿,反而更加怒不可遏。

「你噤都仲笑得出既，你無病亞嗎？你依家即刻同我攞番你份垃圾出去，

今日之内同我改好曬D正佢，交俾我批改曬先準走,唔係既話你今日唔洗指意走。聽唔聽到?」

我點左下頭,成個教員室既人都睇住我轉身慢慢離開教員室。當我行近教員室道門,



我回頭望一望佢,點知佢發現我望佢,佢又突然掘住我,嚇到我即刻行出去走廊,

忍唔住爆左句粗,

「痴撚線咩!」

我心諗雖然無改正係我錯，但係都唔洗屌到我屎忽開花阿嘩，

改正依d野好快搞番掂姐。我係canteen揾左張長檯,死死地氣去改，

點知一改就改到成六點，我再行上六樓攞去教員室俾Miss Law改，

我一入到去果時,見到教員室D老師都走曬，得返佢一個

佢揭左我份作文文件夾改左幾筆，停左一停，



「你究竟有無用心去改架，你睇下呢度,唔啱啊,唔係咁改啊，

你之前上堂有無聽我講點改架。你同我再改過佢啦。」

「我知啦。」

其實我雙眼已經佈滿血絲,但我仍然忍住肚氣，為左可以早d番屋企打gta5，八婆，我忍你。

我接過手上既作文文件夾，藏着滿腔怒氣轉身離開教員室。

我係教員室出面努力做改番好俾佢串果d mistake，但求快快手搞掂佢,

六點搭九左右，我终於完成曬成份改正，



我抱住戰戰兢兢既心情慢慢打開教員室既門，一望入去，

見到剩番miss law一個一路上網，一路講電話。