多啦J動: <語言偽術機>
大蟲一放學番屋企，就喊咁口捉住Ｊ動：「嗚嗚．．．死啦死啦．．．Ｊ動，你今次真係要幫我呀！！」
Ｊ動：「點呀你，今次你又俾肥獅佢放屎蜢係書包度呀?」
大蟲：「唔係呀，係今日派左成績表，我科科都捧蛋．．．嗚嗚．．．俾阿媽知道，實打死我啦．．．嗚嗚」
Ｊ動：「屌你，次次都要我幫你執手尾．．．」
Ｊ動就係自己個百寶袋度，拎左個小型耳筒出黎：「登登登登～語言偽術機！！！」
大蟲：「依個耳筒有咩用？」
Ｊ動：「解釋你聽你都唔明架啦，總之你將佢放係耳仔度啦柒頭，一陣佢會教你點答你阿媽架喇．．．」
無幾耐，大蟲媽就走去問大蟲：「阿仔，今日學校應該派左成績表，仲唔拎黎俾我睇下？」
大蟲：「今次．．．今次考試，我係按照左既定程序完成，完全符合校規。」
大蟲媽：「你發咩鬼神經？我係係問緊你，張成績表係邊度呀？」
大蟲：「考試．．．考試已經結束，並且進入左我同老師之間既檢討階段，所以唔方便俾你睇份成績表。總之，我地會為今次考試結果作出檢討，盡力做到『穩中求變』。」
大蟲媽越聽越火滾，左手扯住大蟲ｄ頭髮，右手大巴大巴咁打落佢塊面度：「仆你個街！我問你，張成績表係邊度，快ｄ講！！」
大蟲俾阿媽打到鼻屎都飛埋出黎：「係『講』同『唔講』之間，其實存在好大既討論空間，我承認今次既處理手法有ｄ粗梳，我會吸取教訓，積極改．．．」
未等大蟲講完，佢阿媽已經又一巴咁車落去：「屌你，改你條命！係咪想同我玩野呀？死仔你緊係嫌命長！」
大蟲一邊喊一邊講：「嗚嗚．．．對於『你想屌我』依個訴求，嗚嗚．．．我定必虛心聆聽，以開誠布公既態度去處理．．．」
大蟲媽嬲到出煙，捉住大蟲個頭連續打左十四巴：「屌你，我唔係真係想屌你呀！仲係唔肯講下話？仆街！仆街！仲係唔肯講下話？仆街！」
大蟲已經口腫面腫：「我．．．嗚嗚．．．我之前已經解釋得好清楚，唔打算係度再解釋多一次．．．」
大蟲媽：「你個死仔，今日古古怪怪咁，係咪有人教你咁樣講野！？」
大蟲：「過去一直以來，我從來唔會唔聽Ｊ動既意見．．．」
大蟲媽即刻怒啤Ｊ動。
Ｊ動心諗：「仆街仔今次俾你累死．．．」
當晚，大蟲屋企就不斷傳出：「拍！拍！拍！拍！拍！拍！拍！拍！拍！拍！拍！拍！拍！拍！拍！拍！拍！拍！拍！拍！．．．．．．」