絕愛達令: 第十七章 車禍

時間眨眼流逝...29號早上...
若依很早就起床，因為今天就是舉行設計大賽的日子....
而流風卻遲遲未來，.....
昨晚流風因為缺乏營養而暈倒，還發起高燒...
（前一晚）~
「小風，你聽日就唔好去佢度喇」楊露露擔心兒子心都痛了。
「唔得，佢一定要去個設計大賽架，對佢好重要架！」
「佢知你係病左嘅話，佢唔會怪你架」楊露露勸流風。
「我聽日仲要一定唔可以遲到添呀，如果唔係，佢一定會嬲死我，要同我分手架，你唔洗阻止我喇！」
「呢個女仔...根本就唔值得你去愛，佢每日都咁樣對你！」




「你係點知道架？！」流風大驚。
「我揾過偵探查佢，我知佢每日都要折磨你，又逼你食你唔鐘意嘅野，佢咁都值得你愛咩？」
「值得，係我欠佢架，佢之所以會變成咁樣，都係因為我，我相信，總有一日，我可以感動倒佢，令佢變番以前果個堅強又可愛嘅夏若依！媽啊~你就由我吧」
「唉，你要小心身體呀」
「愛情嘅魔力真係可以好大..」楊露露心想。
（現在）~
「佢點解仲未黎到架！？就黎遲到喇！」若依心想。
終於，流風駕著車子左右搖擺的駛到若依樓下。
「你做咩咁遲先黎呀！激死我喇！一陣我遲到嘅話就唯你事問呀！」若依呼喝的罵著流風。
「我...我遲左起身..」流風說話的聲量已經近乎聽不到了。




「早知我就call的士啦，你地呢啲咁嘅有錢少爺實唔會準時嘅！」若依多多怨言。
「上...上車吧」流風用盡力氣的說。
「仲洗講！開快啲添呀，我就快要遲到喇！」若依命令流風。
流風已經開始神志不清....駕車都是左搖右擺的。
「喂，你做咩呀？！前面有車呀，快啲轉軚呀！」若依緊張焦急的說。
但是流風卻沒有反應，此刻若依馬上自己來轉軚，終於..
「Boom！」紅色法拉利撞向了電燈柱....
「這時，流風的神志才清醒了多一點..
「若依，你有冇事呀？」流風焦急的問道。
「我仲未死得，我趕時間，你仲要同我揸緊車都訓著，仲要撞埋車，仲搞到壓爛左我張設計圖，我要即刻番公司攞過份後備設計圖呀！」




「對...唔...住」流風又暈又頭痛起來。
「你以為我話分手淨係得個講字牙？！...好，我地而家就分手！」若依此時鬥氣的說。
「啊...我..我只係太攰先唔小心訓著左炸，唔係有心架，唔好同我分手啦好嘛？」流風嘗試著挽回。
「我講左就算數，唔會反悔，由細到大我都係咁架啦！」
「求下你啦...唔好...」流風開始頭暈眼花。
「你明知今次個設計比賽對我有幾重要架啦，你都要咁樣黎破壞我嘅好事！」若依大怒。
「分手啦！你唔洗再跟住黎」若依補充多句。
當若依衝出馬路想截的士的時候，突然，有輛大貨車向這邊衝來...
那一剎那，若依呆住了...
而在若依身後的流風，一瞬間，走出來奮不故身的推開若依。
「呯！..」一下聲響跑進若依的耳朵內。
若依眼看滿身是血的流風平靜的躺在馬路中間，感覺她的心臟都快要停止了...
若依五年前心痛的都是滿身鮮血的那一刻，現在又重覆發生了，不，這次比起五年前的還要痛...若依馬上跑到流風身邊...
而肇事的司機早已不顧而去了。
「流風！你點呀？係咪好痛呀？！」若依向流風緊張的慰問。




可是...流風沒有回應...
「流風！你起身應下我呀！...」若依邊說她的淚在眼眶一邊打轉著。
然而...流風還是未有回應...
「流風呀....夜流風！求下你啦，唔好嚇我呀，快啲同我醒下呀...我知我啱啱語氣係重左，對唔住呀..」若依哭著說。
「臭流風！你同我即刻起身，你話過愛我架，如果你起番身，我就原諒番你，我地一齊去願望公園度食雪糕啦，好冇呀，所以你快啲同我醒呀！」若依大聲哭著。
流風..仍然沒有任何反應...
「呢位小姐，麻煩跟我地番差館接受調查」某警員說。
若依上了警車，腦海中全是流風的樣子...若依好心痛...好心痛...心痛得快要死了。
若依低著頭，默默的流著淚。
接著，醫護車把流風送到了醫院...