絕愛達令: 第八章 特訓

「叮，噹，叮，噹...」放學的鐘聲響了......
「姬兒，黎緊果幾個禮拜我都要同夜流風訓練，你自己番屋企先啦」我向姬兒眨眼。
「哦哦，好呀！」姬兒也向我眨眼。
流風看著她們的一舉一動，心裡感覺一定是有些東西不對勁。
在操場上...
「Hi，我遲左落堂呀」寧俊不好意思地說。
「唔緊要，我地都係啱啱到啫」若依笑著說。
「點解佢會係度嘅，乜唔係得我同你炸咩」流風不耐煩的說道。
「我要同若依傾一傾陸運會啲細節」寧俊對著流風認真說道。
「哦~我明啦，你用傾細節為名，想黎媾若依為實」流風也認真說道。




流風將若依推到後面，壓低聲線向著寧俊說...
「我要想嘅野係冇野得唔倒嘅，識做人嘅精精地就同我讓開」
「我對佢係認真嘅，佢唔係玩具，冇話乜野得唔得到嘅」
「我得唔倒嘅野，第個都唔洗示意得倒，你最好同我記清楚」
「你都同我記住，我絕對唔會俾你玩弄佢嘅感情」寧俊清楚的說道。
這時，若依嗅到空氣中有股很濃的火藥味，心驚膽跳的說道...
「流風你去跑40個圈先啦，我同師兄有啲野傾」
流風不情願的先去跑著...
三十分鐘過後，
「若依，我要番屋企做報告先喇，聽日見啦」




流風也剛好跑完四十個圈回來，卻聽到...
「好啦，咁聽日見咯，拜拜」若依微笑向師兄說。
流風拿著若依給他的毛巾說道...
「同你個好情人傾完喇咩，仲特登駛開我，你都得架喇你」
「冇呀，佢..佢都唔係我情人，只係師兄之嘛」
「我睇冇咁簡單喎，一講到佢，你就會口窒窒咁」
「邊...邊有喎，總之唔係你..你諗咁樣啦」
「仲話唔係，女人真係天生口是心非嘅動物」
「你咁得閒咁多野講丫拿，再跑多40個圈」若依馬上轉移話題。
流風不忿地再去跑...




而若依就在想著...到底是不是喜歡上師兄呢...
又過了三十分鐘後...
流風跑回來之後，卻看著若依在發呆又傻笑著，突然，流風心中的怒火爆發出來。
「你就咁掛住你個師兄咩，連我都睇得出喇」
「我諗緊咩又關你咩事，就算我係鐘意師兄，咁又點呀？！」若依也莫名奇妙的發起火來。
「總之我就唔準你鐘意佢」流風咆哮說道。
「唔鐘意佢，唔通鐘意你咩！？」若依鬧著流風說。
「鐘意我都好過鐘意佢呀」流風說完都覺得不可思議。
「吓......」若依驚訝得無言了。
「以後你只可以鐘意我！」流風將錯就錯的說。
「點...點解呀？！」若依的腦袋一片空白。
「因為...因為我唔慣任何一個女仔唔崇拜我」流風掩飾的說。
「就係因為有你呢啲花花公子，先會有咁多女仔受到傷害呀」若依氣憤的說。
「我從來都冇講過鐘意佢地，係佢地自以為是啫，我咁都算係花花公子咩？」
「咁你做咩唔同佢地講清楚呀？」




「拒絕佢地嘅話，佢地會好傷心嘛」流風自以為是的說。
「你地呢啲男人就係想做好人，扮曬有情有義咁，但你地根本就冇諗過人地嘅感受！」
「咁你敢唔敢保證我拒絕佢地，佢地都唔會傷心丫？」
「咁你都唔好俾人一個假希望呀」
「同你講根本就係沒完沒了，你都唔可以站係我呢啲靚仔嘅角度去諗」
流風眼神凌厲的看著若依。
若依也不甘視弱的回望他。
「今日嘅訓練到此為止，以後都唔會再有，我冇興趣再同你玩」
「我都係，反正原本呢個訓練係唔存在嘅」
流風頭也不回的走。
若依望著他的身影，心裡有點不是味兒，自從碰到他以來，天天都吵架，但都沒有今次這樣厲害，難道這次真的語氣太重？