「侯裕文系列」（1）《向港女說不》----------口語文: 第八章：同志聚K房

~這個星期六晚，我沒有找上家欣，縱使她一直whatsapp聯繫我。這夜，我們四隻「鐵腳」和鹹濕邦，在富運neway的一家K房內聚會。當中亦都提及到上次我跟聰明仔一起會家欣的事。這次由聰明仔首先發言：「幾時再去家欣果度？不過下次真係唔好開芝華士就真。」
「仲好講，你條死仔，已經問左你喇！係你話無問題。」我指著他笑說。
「得得得！下次唔會。」聰明仔拿著咪高峰說。
「其實下次叫埋我地咪開得囉，我唸我地幾個圍埋應該唔會好貴姐。」敬騰說。
「咁下次搵埋敬騰一齊去喇，兆基有無興趣？」我望著兆基說。
「敬騰去我都無所謂。」
「鹹濕邦呢？你成晚除左唱歌之外都無乜點出過聲，講幾句黎聽下。」
他坐在我身旁，我拍了拍他的大臂後，他終於說話：「幾百蚊飲一支芝華士，我寧願去叫雞好過。」
「算喇，睇黎你都唔適合媾女。」敬騰笑說。
「我一早已經承認果D場唔arm我玩，我寧願真係搵間酒吧餐廳或者清吧可以坐係度吹下水。」鹹濕邦說。




「鹹魚白菜各有所好，既然你咁唸我都無辦法。」
說罷，我喝了一口雜果賓治，樣子當然顯然是無可奈何。事實上身邊的人，就算不是自己兄弟也好，他們也經常埋怨自己無女（女朋友），但有果陣又唔去爭取，這些人根本不值得同情。手機鈴聲突然響起，來電顯示為家欣，我對大家說：「等等，我出去聽電話。」
當我走出房外後，我立即按下接聽。其實我不介意讓其他人知道我們的談話內容，但K房內實在是一個不容易談電話的地方。
「喂！」
「你係邊丫？今晚我係尖沙咀。」
「我同班兄弟係油麻地唱K，都係唔黎喇！」
「唱K？做咩唔搵我？」
「我地成班麻甩佬係度傾心事，唔通你都arm？」
「過黎一齊傾喇！」
「唔係咁好卦！」




「咁算喇，咁幾時出黎食飯？」
「出左糧先，聰明仔話好掛住你喎！」
「唔好卦！」
其實我只是試探她對聰明仔的反應，從他的語氣可以看出，她是相當抗拒聰明仔。
「佢成日係我面前提起你，你唸唸佢喇！」我笑說。
「唔好講笑喇，咁你幾時出糧丫？」
「下星期。」
「咁到時電聯喇，咁係咁先。」當她掛線後，我再重新返入K房，他們也開始唱歌，在場只有聰明仔問我：「剛才是否家欣致電給你？」
「係呀，我有同佢提過你．．．」
「提過我？你講左D咩？」他打斷我的話搶著說，像是恐怕我說了些甚麼？




「頭先我幫你試探完佢，佢應該對你無意思。」
「唔係卦？我有D難以置信。」
我心想：「要是家欣喜歡聰明仔，咁又真係難以置信。」
「唔緊要，下次我地再安排見面。」
「其實我有個唸法，我想嘗試同佢單獨見面。」
「你可以自己約佢，老實講我唔介意，我同佢只係普通朋友。」
「我無佢電話。」
這時，我確實O左嘴。佢竟然無「抄牌」，都唔知佢去黎做咩？感覺上當晚是白費心機。
「下次你先問佢，我未經佢同意我唔敢俾佢電話你。」
「咁下次喇。」
接著，就是談論那些不相干的話題，就是這樣，我們第二天早上才交房，食過早餐後才各自離開。這天是距離出糧之前的一晚，家欣用whatsapp跟我聯絡。內容是：「可否幫我去GODIVA買野？」
我即時回覆：「買咩？」
她的回覆是：「上次同你一齊睇過果包餅呢，你買平d嘛，所以搵你幫我買。」
我再回覆：「無問題，聽晚尖沙咀見！」
此時，她回覆了一個「無問題手勢」的圖像，我沒有回覆她便睡了起來。第二天下班後，由於是平日的關係，我已一早跟家人說明不要煮我飯，為的是迎接我跟家欣的第三次約會．．．（續）