「侯裕文系列」（1）《向港女說不》----------口語文: 第四章：初見（二）

當到達元朗後，手機時間顯示為五時五十分，由於還有十分鐘才到六時正，於是我致電給她，但電話長響後便接駁到留言信箱。此後，我找個公園坐下，並每隔五分鐘一次的頻率致電給她，我心想：「佢唔係唸住放飛機卦？」
結果，我給她whatsapp短訊，幸好這個訊息是一個剔號，即是她未曾閱讀，而最後上線時間為十六時二十分，估計她應該睡了起來。由於我山長水遠走到來元朗，我絕不想就這樣離開，唔甘心的情況下最終決定留下來。結果六點半我終於收到她的回覆，一如所料她果然是睡了起來。於是我回應她的短訊說：「唔緊要，我等你！」
「仲出？」
我見到這個回覆即刻呆左，咁即係咩意思？唔通要我徙車錢咩？我嬲嬲地之下再回覆她：「我未走！」
佢最後都係覆我話晏少少先出到黎。結果，這次她遲了差不多兩小時，但這個當然不是重點，因為我覺得等其實唔係問題，因為自己都習慣等待異性朋友，這也使我習以為常。
 
「裕文，頭先唔好意思，我唔知醒。」她慌忙對我說。
「唔緊要喇！你出到黎已經好好！」
其實她沒有爽約已經很好，所以我也對她客氣些。
「咁行喇！」




「由你帶路！」
說罷，我們並肩而行，沿途她問我：「聽海蓉講話你最近唔開心喎，究竟咩事？」
我心想：「我幾時有講過自己唔開心呀？海蓉玩野咩？」
我回應她：「海蓉九成九吹水喇，佢夠話你唔開心。」
「算喇，這些無謂提，我地快D去食野喇，我好肚餓。」
她竟然若無其事，相信她應該習慣了海蓉的作風，以致麻木了，想不到只有我才認真對待吧！
 
當就坐後，我們點了一個雞煲和一些小菜，由於店內有電視機的關係，以致我大部份時間也望著電視。家欣也邊吃邊看手機，直到她從手機向我展示她所飼養的兩隻博美犬，我們才打開話題。她笑說：「佢地叫奶茶同咖啡，佢地係情侶黎架！」
「邊隻係奶茶邊隻係咖啡？」
她指著淺色毛那隻說：「呢隻係奶茶，右邊呢隻係咖啡，佢地靚唔靚呢？」




「其實邊隻係男，邊隻係女？」
「淺色係男深色係女。」
「點解唔帶佢地出黎？」我笑說。
「帶佢地出黎好麻煩嫁，如果佢地出埋黎我地唔可以坐入面。」
「係喎！」
她接著說：「最麻煩要兩隻一齊帶出黎．．．」
「點解？如果帶一隻會點？」
「另外一隻會呷醋，返黎要想辦法氹返佢。」
「咁點氹呀？」
「餵野佢食同埋同佢玩囉。」




於我而言，有飼養寵物的女子我會加分，畢竟自己也是喜愛寵物的，感覺上有飼養寵物的女子心地都不會太差，所以我決定花時間了解她。而這頓飯大約二百多元，當然由我請客，離開時她還不忘跟我說謝，這個舉動也令我對她的印象分增加不少，畢竟現時有很多女性也是奉旨心態，她們覺得男仔同女仔出街一定係男仔俾晒錢，但這種心態我好抗拒。如果係我契妹又或者女友出街吃飯我一定請，除非是相熟的異性，否則不會再有下次機會。至少這方面已得到同志大聯盟的兄弟們認同，尤其敬騰，他對男仔請女仔食飯呢個問題不解，畢竟雙方未到達這種關係的時候，大家也只是朋友，朋友相處間不是應該要平等嗎？為什麼只有單方面付出呢？可能有些男士會覺得，如果自己對個女仔有意思，就算明知只是朋友關係也會勉為其難地請客，但同時我亦質疑這種女士追唔追得過？就是這種自以為有錢便可以搏取異性歡心的男子，才造就港女的形成。又或者咁講，港女一詞其實唔係為左標籤任何人，而是一個社會現象。
 
（續）