「侯裕文系列」（1）《向港女說不》----------口語文: 向港女說不後記

 我記得曾經有個係外國返黎既女仔問過我，點解香港女性被標籤為港女？而唔會標籤香港男性為港男？其實當時我係答得模稜兩可，因為非不得己我真係唔想舉例，事關她之前提及過：「其實全世界都會有這些人存在。」她說得出「這些人」，就已經知道港女真正意思，她只是唔明白為何唯獨是香港才會把這些人標籤為港女？如果我舉例說明其實係無意思，她一樣可以對我說這些人任何地方都會出現。最後我只係用「風度」呢兩個字作出解釋，風度的意思來到中國已經被曲解，來到香港更甚，好多香港男仔以為請女仔食飯就代表係有風度的表現，但佢地做錯，風度一詞係外國傳入，當中並不包括請客及送禮這些涉及金錢利益的行為。當我講到請客呢個問題時，個女仔就同我講：「佢地都係慣左AA制！」接著我回應她：「我都主張AA制，但香港普遍女性都會覺得男仔請食飯係理所當然的事。」
接著，她的另一位女性朋友也搶著說：「咁其實都係你地D香港男仔做成姐！」
當佢講到呢度，我係根本無言以對。事實上，當男性為求讓心儀的女性留下好感，通常都會盡顯「風度」，但這種所謂「風度」亦都顯得那些男性毫無自信，他們往往也覺得除了用請客或者物質上吸引異性外，並沒有其他條件吸引到心儀的女性。此時女性就會企左係一個相對有利的位置，她們甚至自信到有能力讓男仕們為她們付出一分一毫，漸漸也變成理所當然的事。此消彼長下，香港才造就到「港女」這個社會現象，無錯，這就是社會現象，並不是為了標籤某些人，也許這是另一種「社會主義」。最後這餐飯反而係個女仔請返我，呢樣係我始料不及，如果換轉這部小說中的女主角，結果如何？
最近睇左一篇報導，係講及到香港女權的問題，因為在其他地方，男性地位普遍較女性為高，而這個現象在香港卻是相反，由九十年代初鼓吹男女平等開始，至到現在女性在香港的地位比起一般男性為高，也許這也造就港女的形成。當中也提及到男女出街問題，女仔會理所當然地認為由男仔出晒錢係應該，否則會被視為「無風度」，文章最後亦都提及一句我係勁buy：「你當自己係雞都唔好當我係嫖客，你把自己當成是一件貨物也不要以為我應該理所當然地向你付錢。」
即係咁，你開左間鋪頭，當有客人入來的時候，你都唔會理所當然地覺得個客一定會買野先走入來，佢可以話無心水可以唔買，又或者擺到明入黎兜個圈就算。打開門做生意無可能係個客明知貨品不合自己心水的情況下而逼個客買？咁同黑店有咩分別？
這也難怪在男性擇偶條件當中，香港女性相比起世界各地是相對處於落後的位置，當中跟這個現象不無關係！