「侯裕文系列」（1）《向港女說不》----------口語文: 第二十章：物以類聚

兩日後，我如常工作。這時下午三點，由於有空閒時間，所以走到洗手間內「蛇王」，看看手機的時候，發現whatsapp有個未閱讀訊息，聯絡人名字竟是家欣，我心想：「佢竟然仲有面搵我？」
是早五分鐘前的訊息，內容如下：「返緊工？」
我用whatsapp回應返佢：「係！」
接著，我收起手機，開始抽煙。當整支煙完全熄滅後，我再翻查手機，家欣再次在whatsapp問我：「今晚得唔得閒？」
我終於明白到「沒有最無恥，只有更無恥」的道理，但我決定在不願意的情況下回應她：「我好忙！」
接著她send了個不開心的表情符號給我，接著下一句是：「你好野！」
我沒有用文字回應她，只是打了個問號。
接著她的內容是「唔開心」和「唔想返工」，但這又與我何干呢？
我問她：「甚麼事？」
她再給我訊息：「無野丫！」




其實我真係好想屌鳩佢，我懷疑佢究竟係咪想呃水吹？但我仍然正經地回應她：「有咩事唔怕講喎，屈係個心入面好易有抑鬱症架！」
接著她回應了我一句：「都話無事！」我們的對話就此結束。此後我whatsapp跟海蓉說：「你個港女朋友好唔開心，你睇下佢咩料丫！」之後我已經沒有再理會此事。事實上家欣的事與我無關，難聽D講句：「我理得佢死。」我肯同海蓉講已經算係「做多左」。但事情原來尚未結束，下午四時零五分，手機響起，來電者是海蓉，我接聽後立即走到茶水間，我問：「點樣？」
「我打俾佢無人聽喎，佢咩料丫？」
「佢話佢唔開心，我問佢咩事佢又唔肯講．．．」
她打斷我的話說：「佢從來唔會係我面前講唔開心囉！」
「你得閒打俾佢喇！」
「佢點同你講先？」
「佢話自己唔開心，又唔想返工囉！就係咁。」
其實我咁講得出，根本擺明唔想理，當我正想掛線時，她突然語出驚人，使我仍然保持通話。她說：「你究竟有無關心過我？」
我未及回應，她即時補上下一句：「你剩係識得係我面前講佢，又唔見你關心下我？我自己都唔開心，你知嗎？」




唉，原來我一直白費心機，她竟然把我在她面前埋怨家欣的說話，竟然被她理解成我對家欣的關心，我真是無言了！她接著說：「佢無資格係我面前話佢自己唔開心，因為我唔開心過佢很多．．．」
看她這樣激動，我也循例安撫她：「咁你又有幾唔開心丫？」
「我每晚返到屋企都好唔開心架，你知唔知我條仔佢點對我？」
在此簡單講解一下海蓉的感情狀況，雖然她跟男朋友同居，但感情一直都好唔穩定，經常徘徊於分手邊緣，我卻問她：「佢點對你先？」
「你咪以為佢平時點樣對我好，我係佢屋企都係訓地下咋！」
「咁你咪唔好同佢一齊住囉！」
「我阿媽好煩，我都同你講過喇！我唔想返去。」
「咁你地咪分手囉！」
我心想：「係佢自己攞黎賤，唔係佢朋友我已經cut左佢線喇！」
「佢就係想分手，佢而家晚晚都叫我同佢搞野呀，佢話唔搞野就分手喎！」




此時，我打了一個突，這些說話竟然出自她口中。不過還是回應他吧：「都話左你架喇，你條仔都唔慌好人，搵個第二個把喇！」
「咁你有無好介紹先？」
她斬釘截鐵地問，那麼我也老實不客氣地回應她：「我班朋友大部份都單身，其實你可以考慮下。」
「你班friend呀？佢地有無事業先？有無車有無樓呀？」
其實我已經怒不可遏，我絕對不容許她侮辱我的朋友，這也卻是令我尊嚴盡失。我開始加重語氣對她說：「咁係你要求高姐！」
「我之前已經衰過一次，我唔想再揀個無出息既男人一齊捱窮，我而家條仔唔係有錢我都唔會俾佢屌喇！你有錢我俾你屌都得架！」當然，她亦是加重語氣。
「咁你自己唸喇！」說罷，我立刻cut線。
交代一下先，海蓉曾經結過婚，有一名兒子跟隨她的前夫，但當然她沒有向我詳細透露離婚的原因。但經過這天後，我對她有所改觀，像她這些人根本不值得擁有幸福。第一，我覺得她離婚的真正原因是為了讓自己追求更高質素的生活，這些不願同甘共苦的女人，根本唔適合結婚；第二，佢為左錢甘願放棄尊嚴，使我覺得這個女子同做雞無分別；第三，佢自己唔會唸一個問題，你要求人地俾到D咩你之前又唔唸下自己可以俾到D咩人？自我中心的性格根本做佢朋友都好難；第四，佢明知男友對她唔好都仲要繼續同佢一齊，與人無尤；但其實最主要的是她竟然奚落我一班朋友，即係間接奚落我，以致我打算慢慢疏遠她。而家欣的事更加不用多說吧！早知如此，當日我落樓下提款的時候乘機較腳好過，這些人根本無需同佢地講風度，應該係話，對付那些無恥之人，應該要用更無恥的方法才可。（續）